Ku Tsundzuka Rifu Ra Yesu

Hi nkarhi wa nkhuvo wo olova, Yesu Kriste u tirhise vhinyo ni xinkwa lexi nga hava comela tanihi swifanekiselo swa vutomi bya munhu lebyi a a ta byi nyikela hikwalaho ka vanhu. Loko a simeka nkhuvo lowu, u te: “Endlani leswi hi ku ndzi anakanya.”—Luka 22:19.

N’waxemu, vanhu va 8 965 221 va anakanye Yesu hi ku va kona eka Xitsundzuxo xa rifu rakwe eka minhlangano yo hlawuleka leyi seketeriweke hi Timbhoni ta Yehova. U rhambiwa hi mandla mambirhi leswaku u va kona eku tlangeriweni ka Xitsundzuxo nan’waka eHolweni ya Mfumo ekusuhi ni le ka n’wina. Xi ta va hi Ravuntlhanu, April 1, endzhaku ka ku pela ka dyambu. Vonana ni Timbhoni ta Yehova ta ndhawu yoleyo leswaku u tiva nkarhi lowu kongomeke.