‘Mpfangano Wa Xiviri’

Yoleyo i ndlela leyi ha yona muhlayi wa le Argentina a hlamuseleke buku leyi ya ha ku humesiwaka leyi nge Ku Lavisisa Ka Vanhu Xikwembu. U tsarile, “yi na swivumbeko ni swilo swo hambana-hambana, tanihi mpfangano, tanihi leswi mpfangano ku nga ku hlanganisiwa ka swilo swo hambana-hambana, buku leyi yi na tinhloko-mhaka ni tinhlamuselo to hambana-hambana swinene ta vukhongeri, lerova yi hlamarisa muhlayi.”

“Hi ntolovelo, vaxiyi va le Vupela-dyambu va honisa tidyondzo ta le Vuxeni ni masungulo ya tona hi ku helela.” Kambe, hi laha muhlayi loyi la tlangelaka a vulaka ha kona, wa hlamusela, buku leyi yi hlamusela “Vuhindu, Vuzayoni, Vubudha ku ya ni le ka mimpambukwa ya Vujagana, ni le ka tidyondzo tin’wana ta vukhongeri to tala. I mpfangano lowu pfunaka, eka un’wana ni un’wana loyi a kambisisaka vukhongeri.”

Vanhu vo tala va tiva vukhongeri bya vatswari va vona ntsena naswona hakanyingi a va byi heti. Kambe, xana vukhongeri bya wena byi fanele byi va lebyi u nga velekeriwa eka byona, kumbe u fanele u endla nhlawulo wa vutlhari endzhaku ko ringanisa vukhongeri bya wena ni bya van’wana? Buku leyi ya matluka ya 384 leyi nge Ku Lavisisa Ka Vanhu Xikwembu yi ta ku pfuna ku endla ndzinganiso lowu. Yi nga tlhela yi ku yisa ekusuhi ni Xikwembu xa ntiyiso.

Ndzi tsakela ku amukela buku leyi nga ni matluka ya 384, leyi nga ni swifaniso swa mihlovo-hlovo leyi nge Ku Lavisisa Ka Vanhu Xikwembu. (Ehandle ka R.S.A., tsalela rhavi ra kwalaho ra Watch Tower leswaku u kuma vuxokoxoko. Vona tluka 2.)