Wa Rhambiwa Hi Tintswalo

Rifu ra wanuna Yesu Kreste emalembeni yo tlula 1 900 lama hundzeke a a ku ri xiendlakalo xa nkoka swinene ematin’wini. Ri pfule ndlela yo kuma vutomi lebyi nga heriki eparadeyisini ya laha misaveni. Enkarhini wa nkhuvo wo olova, Yesu u tirhise vhinyo ni xinkwa lexo-ke-comela tanihi swifanekiselo swa gandzelo ra yena ra rirhandzu eka vanhu. U byele vadyondzisiwa va yena a ku: “Endlani leswi hi ku ndzi anakanya.” (Luka 22:19) Xana u ta xi tsundzuka xiendlakalo lexi xa nkoka? Timbhoni ta Yehovha ta ku rhamba hi malwandla leswaku u va na tona eku tsundzukeni ka nkhuvo lowu wa Xitsundzuxo. Wu ta va endzhaku ka ku pela ka dyambu esikwini leri fambisanaka na Nisan 14 eka khalendara ya n’hweti ya Bibele. U nga hlanganyela eHolweni ya Mfumo ekusuhi ni kaya ra wena. Vonana ni Timbhoni ta Yehovha ta kwalaho leswaku u tiva nkarhi lowu kongomeke ni ndhawu ya kona. Siku ra nkhuvo hi 1995 ri ta va hi Ravuntlhanu, April 14.