Vatswari Va Lwisana Ni Xihlawuhlawu Xa Mudyondzisi

Mudyondzisi wa tindzumulo wa le Cassano Murge, le Italiya u nyike vana swiphephana leswaku va famba naswona ekaya. Swiphephana leswi leswi endleriweke ku nameketiwa ehandle ka timbati, a a swi tsariwe marito lawa: “Hina hi Makhatoliki. Hi kombela leswaku Timbhoni ta Yehovha ti nga gongondzi enyangweni lowu.”

Vatswari van’wana va vana lava, hambileswi va nga riki Timbhoni ta Yehovha, a va nga twani na xona xiendlo xa mudyondzisi loyi. Hi ku ya hi magazini wa mahungu lowu nge Muoviti Muoviti, vatswari va vule leswaku ‘ku nyika vana rungula ra muxaka lowu swi ta va khutaza leswaku va honisa munhu wihi na wihi loyi a anakanyaka leswi hambaneke ni swa vona kumbe va papalata munhu wihi na wihi loyi a nga wa vukhongeri lebyi “hambaneke.”’ Mutswari un’wana loyi a tsaleleke eka magazini lowu u vule leswaku xiphephana lexi i “mbewu ya mfava, xihluke xa ku pfumala vutivi ni vuphukuphuku.”

Hilaha xiviko lexi xi kombisaka hakona, vanhu vo tala lava hlutekeke emianakanyweni va swi vona leswaku ku byala moya wa xihlawuhlawu swi ni khombo. Naswona va byi xixima vutirheli bya Vukreste lebyi endliwaka hi Timbhoni ta Yehovha eItaliya hinkwaro swin’we ni le misaveni hinkwayo. Ha yini u nga vutisi Timbhoni ‘hi ta ntshembo lowu ti nga na wona’? Ti ta swi tsakela ku burisana na wena, hi “xichavo lexi enteke.”—1 Petro 3:15.