Switiviso

● Nyiko ya buku ya July na August: Broxara yihi na yihi ya matluka ya 32, handle ka broxara leyi nge School, hi munyikelo wa 75c. September: U Nga Hanya Hi Masiku aParadeyisini eMisaveni hi munyikelo wa R7,50. Tibuku ta mpimo lowuntsongo i R3,75. October: Xikhokhelo xa Awake! kumbe xa Xihondzo xo Rindza kumbe haswimbirhi hi munyikelo wa R12,00 xin’wana ni xin’wana.

● Mani na mani la endlaka makungu yo sungula vuphayona bya nkarhi hinkwawo hi September 1, 1990, u fanele ku tata xikombelo hi ku hatlisa kutani a xi nyika vakulu leswaku va xi pfuxeta. Loko xikombelo xi amukeriwile naswona xi sayiniwile hi Komiti ya Ntirho wa Bandlha, xi fanele ku rhumeriwa eka Sosayiti eku sunguleni ka August. Hi ku rhumela swikombelo leswi amukeriweke ka ha ri na nkarhi, swikombelo swa ku hlawuriwa ka xihatla swi nga papalatiwa.—Vona xiengetelo xa Vutirheli Bya Hina Bya Mfumo bya August 1986, tindzimana 21-26.

● Mabandlha ma tsundzuxiwa ku oda mphakelo lowu ringaneke wa tifomo ta lembe ra ntirho ra 1991. Tifomo leti a ti fanelanga ti tlangisiwa. Ti fanele ti tirhiseriwa xikongomelo lexi ti kunguhateriweke xona ntsena.

● Tikhadi ta tibeje ta ntsombano wa muganga wa 1990 ti fanele ku odiwa naswona ti ta chajiwa eka akhawunti ya tibuku hi 5c khadi rin’we. Mabandlha lama nga riki na akhawunti kumbe ya ri na xikweleti ma fanele ma rhumela mali ni oda. Mi komberiwa ku oda hi ku andzisa ka 20 laha swi kotekaka. Tikhadi ta tibeje ti kumeka hi Xibunu, Xinghezi, Xisuthu, Xixhosa na Xizulu. Mi komberiwa ku rhumela oda ya n’wina handle ko hlwela.

● Ku sukela hi September, valanguteri va swifundza va ta nyikela nkulumo ya le rivaelni leyi nge “Hanya Hi Vutlhari eMisaveni Leyi Hombolokeke.”

● Tanihi leswi ku nga ni nhlayo leyintsongo ya vakulu eNamibia, vakulu lava nga lunghisaka timhaka ta vona va rhamberiwa ku va kona eka Ntsombano wa Muganga wa “Ririmi Leri Tengeke” wa 1990 eWindhoek. Eka ntsombano lowu ku lunghiseleriwa nongonoko wa Xiputukezi naswona vakulu lava vulavulaka Xiputukezi va rhamberiwa ku va kona. Nakambe hi rhamba vakulu van’wana lava vulavulaka Xiputukezi ku xiya ku va kona eka ntsombano wa muganga eMaputo, Mozambique, lowu nga ta khomiwa ku sukela hi December 29 ku ya ka January 1, 1991. Tanihi leswi tinkulumo tin’wana ti nga ta nyikeriwa hi Xinghezi eka ntsombano wa muganga wa le Gaborone, Botswana, hi rhamba vakulu lava vulavulaka Xinghezi ku xiya ku va kona entsombanweni lowu. Loko u ta kota ku va kona eka wun’wana ni wun’wana wa mintsombano leyi nga laha henhla, u komberiwa ku tsalela Sosayiti hi xihatla hi laha u nga kotaka ha kona.

● Hi rhamba vakulu lava vulavulaka Xivenda na Xitsonga lava nga tshamiki eVuxeni bya Transvaal ku va kona eka ntsombano wa muganga eNkowankowa, hi December 13-16, 1990. Mani na mani la swi kotaka ku endla tano u fanele ku tsalela Sosayiti handle ko hlwela.