Minhlangano Yo Hi Pfuna Ku Endla Vadyondzisiwa

VHIKI LERI SUNGULAKA HI NOVEMBER 5

Risimu 180

10 min: Switiviso swa bandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Kombisa swihloko leswi kongomeke leswi humaka eka timagazini ta sweswi leswi swi nga kombisiwaka vhiki leri. Tsundzuxa vamakwerhu ku ta ni broxara leyi nge Ti Endla Ku Rhandza Ka Xikwembu eNhlanganweni wa Ntirho vhiki leri taka.

20 min: “Ku Bumabumela Rito Ra Xikwembu.” Nkambisiso wa xihloko hi swivutiso ni tinhlamulo. Loko mi bula hi tindzimana 3 na 4, vana ni muhuweleri la fanelekaka a kombisa Mhaka leyintshwa yo Vulavurisana.

15 min: “Xana Ndzi Nga Byi Hlayisa Njhani Vukala-tlhelo eXikarhi Ka Madzolonga Ya Politiki?” Nkulu la fanelekaka hi vutlhari u bula ni vantshwa vambirhi lava nga xikombiso, tinhla leti humaka eka papila ra March 27, 1990, eka mabandlha hinkwawo ya le nsin’wini ya Vantima. Hi ku komisa tivisa ntshikilelo wa politiki lowu tokotiwaka hi vantshwa vo tala. Hambi vanhu vakulukumba va khumbiwe hi ntshikilelo wo tano. Xana a swi olova ku hlayisa vukala-tlhelo? Xana a va humelerisa ku yini eku papalateni ka mintirho leyi nga riki ya vukala-tlhelo? Hlamusela tindzimana 3 na 4 ta papila. Yesu i murhangeri wa hina naswona hikwalaho hi fanele ku n’wi landzela. Hlamusela Swivuriso 13:20; 29:25. Nakambe u nga ha tirhisa tinhla leti humaka eka buku leyi nge Reasoning matluka 269-76. Xisirhelelo xa hina lexikulu i ku hlanganyela hi xitalo evutirhelini bya nsimu ni ku tixaxameta erivaleni ni nhlengeletano ya Yehova. Kombisa ku tlangela xikombiso lexinene lexi vantshwa ebandlheni va xi vekaka. Yehova wa tsaka swinene hi ku tikhoma ka vona lokunene naswona wa dzunisiwa hi swona.—Swiv. 27:11.

Risimu 46 na xikhongelo xo pfala

VHIKI LERI SUNGULAKA HI NOVEMBER 12

Risimu 6

8 min: Switiviso swa bandlha ni xiviko xa timali. Hlaya ku tlangela loku humaka eka Sosayiti ka minyikelo leyi endleriweke ntirho wa Sosayiti wa misava hinkwayo ni le ka Nkwama Wa Sosayiti Wa Tiholo Ta Mfumo. Nakambe kombisa ku tlangela hi nseketelo wa swilo leswi vonakaka wa bandlha.

22 min: “Ku Kongomisa Swichudeni Swa Bibele eNhlengeletanweni Ya Yehova.” Swivutiso ni tinhlamulo. Loko mi hlanganisa ndzimana 3, vana ni muhuweleri la fanelekaka a kombisa ndlela leyi swichudeni swi nga khutaziwaka ha yona ku va kona eminhlanganweni ya bandlha, hi ku tirhisa rungula leri kongomeke leri humaka eka broxara leyi nge Ti Endla Ku Rhandza Ka Xikwembu, matluka 14 na 15.

15 min: Bokisi Ra Swivutiso. Nkulu la nga ni ntokoto u fanele ku tamela xiphemu lexi hi ndlela ya bulo ni ku hlanganyelanyana ka vayingiseri. Xi twananise ni ndhawu ya ka n’wina laha swi fanelaka kona, u pfuna hinkwavo ku twisisa xivangelo xa kona ni ntikelo wa rungula leri.

Risimu 36 na xikhongelo xo pfala.

VHIKI LERI SUNGULAKA HI NOVEMBER 19

Risimu 101

15 min: Switiviso swa bandlha ni Marungula Ya Swa Mfumo. Hlamusela ntirho lowu endliweke hi bandlha hi nkarhi wa tsima ra nsimu leyi nga aviwangiki. Tirhisa tinhlayo leti humaka eka xiviko xa bandlha lexi rhumeriweke eka Sosayiti hi November 15.

20 min: “Pfuna Van’wana Ku Va Ni Vuswikoti Eku Tirhiseni Ka Rito Ra Xikwembu.” Nkambisiso wa xihloko hi swivutiso ni tinhlamulo. Kombisa xilaveko xo pfuna van’wana leswaku va humelela eka swivumbeko swo hambana-hambana swa vutirheli. Kombisa ndlela leyi vahuweleri va nga pfunaka swichudeni leswi fanelekaka swa Bibele ha yona, kumbe ndlela leyi mutswari a pfunaka n’wana wa yena lontsongo ku lunghiselela vutirheli ha yona.

10 min: Bulo hi Komiti ya Ntirho hi ku va kona ka bandlha evutirhelini bya nsimu nkarhi na nkarhi. (Loko papila ra Xizulu ra May 31, 1990 leri kongomisiweke eka tihuvo hinkwato ta vakulu ri ri kona, tirhisa tinhla ta rona leti faneleke.) Nyikela tinhlayo ta bandlha, khutaza hinkwavo ku hlanganyela evutirhelini vhiki rin’wana ni rin’wana ni ku vika ntirho wa vona hi ku hatlisa eku heleni ka n’hweti yin’wana ni yin’wana. Hlayisa bulo ri khutaza ni ku susumeta.

Risimu 183 na xikhongelo xo pfala.

VHIKI LERI SUNGULAKA HI NOVEMBER 26

Risimu 161

5 min: Switiviso swa bandlha.

13 min: “Ku Twarisa Mahungu Lamanene—Hi Ndlela Ya Xikhongelo.” Nkulumo leyi kufumelaka, leyi kokaka nyingiso. Kombisa xilaveko xo khongelela nkongomiso wa Xikwembu ni mikateko evutirhelini bya hina.

15 min: Matsalani u pfuxeta switsundzuxo swa ntsombano wa muganga ni bandlha. Kombetela eka xiengetelo xa Vutirheli Bya Hina Bya Mfumo bya October 1990. Katsa switsundzuxo leswi landzelaka: Xana hinkwavo va ma endlile malunghiselelo lamanene ku va kona entsombanweni ku sukela eku sunguleni? Xana u komberile nkarhi entirhweni wa wena wo tihanyisa? Xana ndyangu hinkwawo wu lulamele ku teka tinotsi, ku tiyiseka leswaku hinkwavo va vuyeriwa swinene enongonokweni? Xana u ta wu endla ntirho wa ku tirhandzela entsombanweni? Xana u ma endlile malunghiselelo ya leswaku swidyondzo swa wena swa Bibele swi va kona? Nakambe tsundzuxa vamakwerhu leswaku va nga famba-fambi hi nkarhi wa nongonoko, ni xilaveko xa vatswari leswaku va lawula swinene vana va vona minkarhi hinkwayo.

12 min: Nyikela Buku Yanga Ya Timhaka Ta Bibele hi December. Nkulumo ni nkombiso. Kombisa ntikelo wa buku leyi, hi ku kombisa tinhla ni swifaniso swo karhi leswi swi nga tirhisiwaka. Muhuweleri la nga ni vuswikoti u kombisa ndlela leyi buku yi nga nyikeriwaka ha yona eka mutswari entirhweni wa yindlu na yindlu.

Risimu 188 na xikhongelo xo pfala.