Minhlangano Ya Ntirho Ya April

Vhiki Leri Sungulaka Hi April 5

Risimu 129

10 min: Switiviso swa vandlha. Kamba minkandziyiso ya sweswinyana ya timagazini, u kombisa swihloko leswi swi nga tsakeriwaka swinene ensin’wini ya n’wina. Hlela leswaku vahuweleri vambirhi, lonkulu ni lontsongo, va endla nkombiso wa marungula yo koma ya Matsalwa.

15 min: “Xihondzo xo Rindza​​​—⁠⁠⁠Swakudya Swa Moya Hi Nkarhi Wa Kona.” Bulo ra swivutiso ni tinhlamulo. Vana ni muhuweleri la fanelekaka a endla nkombiso wo fambisa xikhokhelo.

20 min: “Hlanganisa Swiphephana Ni Tibuku Tin’wana.” Ku hlanganisa hi swivutiso ni tinhlamulo. Katsa ni marungula yo koma lama tekiwaka eka swiringanyeto leswi nga eka tindzimana 2-⁠6. Hlanganisa tinhla leti humaka eka bokisi leri nge “Tsundzuka Ku Tirhisa Tibroxara.”

Risimu 14 ni xikhongelo xo pfala.

Vhiki Leri Sungulaka Hi April 12

Risimu 15

10 min: Switiviso swa vandlha. Hlamusela mintokoto leyi tsakisaka malunghana ni nkhuvo wa Xitsundzuxo. Khutaza vahuweleri hinkwavo leswaku va tirha ni mintlawa ya vona ya ntirho wa nsimu eka mahelo-vhiki lawa.

20 min: “Maendzo Yo Vuyela Lama Olovaka, Lama Humelelaka.” Bula ni vayingiseri. Endla nkombiso wun’we, lowu kombaka ndlela yo sungula bulo eka riendzo ro vuyela.

15 min: Bokisi Ra Swivutiso. Bulo leri akaka ni leri khutazaka hi mulanguteri wa ntirho kumbe nkulu un’wana la tirheke tanihi phayona ra nkarhinyana. Vulavurisana ni muhuweleri un’we kumbe vambirhi lava nkarhi na nkarhi va tirhaka tanihi maphayona ya nkarhinyana.

Risimu 39 ni xikhongelo xo pfala.

Vhiki Leri Sungulaka Hi April 19

Risimu 194

10 min: Switiviso swa vandlha ni Switiviso swa nkoka leswi humaka eka Vutirheli Bya Hina Bya Mfumo. Hlaya xiviko xa timali ni swibumabumelo swa minyikelo loko swi ri kona. Hlaya Luka 6:​38, ivi u nkhensa vandlha hi rirhandzu ra vona eku seketeleni ka ntirho wa misava hinkwayo swin’we ni swilaveko swa vandlha.

20 min: “Pfuna Lavantshwa Leswaku Va Endla Nhluvuko.” Bulo exikarhi ka vafambisi vambirhi kumbe vanharhu va dyondzo ya buku. Endzhaku ko kamba tinhla-nkulu ta xihloko, hlamusela leswaku hi wahi makungu lama endliweke yo tirhisa swiringanyeto leswi evandlheni. Xana hi nga va pfunisa ku yini lava ha ku tsakelaka lava vaka kona eXitsundzuxweni? Hi tihi timfanelo leti lavantshwa va faneleke va ti fikelela loko va navela ku nghenela ntirho wa nsimu? Ku nga endliwa yini leswaku ku pfuniwa vanhu lava a va nga hlanganyeli nkarhi hinkwawo eku sunguleni? Xana hinkwerhu hi nga khutaziwa njhani leswaku hi hlanganyela hi xitalo n’hweti yin’wana ni yin’wana? Xana vahuweleri lava tiyeke va nga va pfuna njhani van’wana?​​​—⁠⁠⁠Rhom. 15:​1, 2.

15 min: “Xana U Nga Endla Leswi Engetelekeke Leswaku U Xixima Yehovha?” Bulo ra tindzimana 1 ku ya ka 10 hi swivutiso ni tinhlamulo.

Risimu 28 ni xikhongelo xo pfala.

Vhiki Leri Sungulaka Hi April 26

Risimu 180

10 min: Switiviso swa vandlha ni Marungula Ya Swa Mfumo. Kombela vamakwerhu leswaku va rungula mintokoto ya ntirho wa vona lowu engetelekeke wa nsimu eka n’hweti leyi, tanihi ku va phayona ra nkarhinyana, ku sungula tidyondzo letintshwa ta Bibele, kumbe ku pfuna lava tsakelaka lava a va tile eXitsundzuxwe⁠ni.

15 min: Nkulu u bula hi rungula leri nga eka xiengetelo lexi nge, “Mintsombano Ya Muganga Ya ‘Dyondzo Ya Xikwembu’ Ya 1993.” Khutaza un’wana ni un’wana leswaku a endla malunghiselelo ka ha ri sweswi leswaku a va kona entsombanweni. Loko mi kuma papila, tivisani vandlha ndhawu leyi ri nga ta khomela ka yona ntsombano. Khutaza un’wana ni un’wana leswaku a xiyisisa swinene swikongomiso leswi nyikiwaka malunghana ni mintsombano ya mune yo hlawuleka ya matiko hinkwawo ya Afrika Dzonga.

20 min: “Xana U Nga Endla Leswi Engetelekeke Leswaku U Xixima Yehovha?” Ku bula hi tindzimana 11 ku ya ka 23 hi swivutiso ni tinhlamulo.

Risimu 127 ni xikhongelo xo pfala.