Minhlangano Ya Ntirho Ya June
Vhiki Leri Sungulaka Hi June 7
Risimu 162
10 min: Switiviso swa vandlha. Khutaza ku seketeriwa lokunene ka ntirho wa timagazini evandlheni. U nga ha endla nkombiso wun’we kumbe mimbirhi ya ntirho wa timagazini: wun’wana wu kombisa ku fambisa timagazini exitarateni kasi wun’wana wu kombisa eku vekeni ka vumbhoni hi xitshuketa.
15 min: “Pfuna Van’wana Va Dyondza Hi Nghwazi.” Bulo ra swivutiso ni tinhlamulo. Loko nkarhi wu pfumela, kuma tinhlamuselo ta vayingiseri ta ndlela leyi va tiphineke ha yona hi ku dyondza buku leyi eka Dyondzo ya Buku ya Vandlha.
20 min: “Tirhisa Swiphephana Ku Vulavulela Buku Leyi Nge Nghwazi.” Ku burisana ni vayingiseri. Endla minkombiso mimbirhi. Wo sungula wu fanele wu tirhisa rungula leri ringanyetiweke eka ndzimana 2 laha n’wini wa muti a kombaka ku tsakela. Muhuweleri u ya emahlweni a fambisa buku endzhaku ka bulo ro koma ra rungula ra xiphephana. Muhuweleri u fambisa buku ivi a endla lunghiselelo ra riendzo ro vuyela. Nkombiso wa vumbirhi wu fanele wu tirhisa rin’wana ra marungula lama nga eka Vutirheli Bya Hina Bya Mfumo bya August 1992, tluka 8. Tsundzuxa vahuweleri ku fambisa timagazini ta sweswinyana swin’we ni xiphephana loko n’wini wa muti a nga yi amukeli buku.
Risimu 205 ni xikhongelo xo pfala.
Vhiki Leri Sungulaka Hi June 14
Risimu 196
10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Ringanyeta tinhla leti faneleke to bula ha tona eka timagazini ta sweswinyana leti tirhisiwaka entirhweni wa nsimu vhiki leri.
15 min: Bokisi Ra Swivutiso. Nkulumo hi nkulu. Kombisa vutihlamuleri bya hina bya ku tikhoma kahle loko hi ya enkhuvulweni.
20 min: “Mhaka Leyi Swiphephana Swi Nga Swa Risima Ha Yona eVutirhelini Bya Hina Namuntlha.” Bulo ra swivutiso ni tinhlamulo. Endzhaku ka ndzimana yo hetelela, vana ni nkombiso wo koma wu komba ndlela leyi swi olovaka ha yona ku tirhisa xiphephana eku vekeni ka vumbhoni hi xitshuketa.
Risimu 126 ni xikhongelo xo pfala.
Vhiki Leri Sungulaka Hi June 21
Risimu 31
10 min: Switiviso swa vandlha. Boxa tinhla-nkulu ta Xiviko Xa Ntirho Wa March. Nakambe boxa xiphemu lexi vandlha ra ka n’wina ri veke na xona eka xiviko xa ntirho wa nsimu xa n’hweti yoleyo. Hlanganisa ni swiviko swa timali u tlhela u hlaya swibumabumelo swa minyikelo loko swi ri kona. Nkhensa ku seketeriwa ka vandlha hi mali swin’we ni ntirho wa misava hinkwayo wa Sosayiti.
15 min: “Ku Sungula Tidyondzo Ta Bibele Hi Buku Leyi Nge Nghwazi.” Bulo ra swivutiso ni tinhlamulo. Endzhaku ka ndzimana 2, endla nkombiso wa ndlela yo sungula dyondzo ya Bibele hi buku leyi. Muhuweleri u rhanga hi ku hlaya tindzimana tinharhu to sungula eka ndzima 111 ya buku leyi ivi a ya emahlweni ni rungula leri ringanyetiweke eka ndzimana 2.
20 min: Nkulumo mayelana ni Ntumbuluko, leyi tekiwaka eka buku leyi nge Reasoning, matluka 84-8. Xivulavuri xi fanele xi hlawula eku tirhiseni ka tinhla leti ti nga hlanganisiwaka ntsena hi nkarhi lowu nyikiweke.
Risimu 79 ni xikhongelo xo pfala.
Vhiki Leri Sungulaka Hi June 28
Risimu 130
10 min: Switiviso swa vandlha. Marungula Ya Swa Mfumo. Bula hi tinhla ti nga ri tingani to vulavurisana leti ti nga tirhisiwaka evutirhelini bya yindlu na yindlu kumbe loko hi veka vumbhoni hi xitshuketa.
20 min: “Tshama U Ri Kona eNtirhweni Wa Nsimu.” Bulo hi matsalana kumbe mulanguteri wa ntirho. Pfuxeta mapapila ya Sosayiti ya August 15, 1992 na August 20, 1992 malunghana ni ku vika ntirho wa nsimu. Nakambe languta loko ku ri ni bokisi ro hlawuleka leri tsariweke “Swiviko Swa Ntirho Wa Nsimu.” Hlamusela lunghiselelo ra ku tamela swiviko hi ku helela. Pfuxeta rungula leri nga eka Ku Hleleriwa Ku Hetisisa Vutirheli Bya Hina, matluka 106-10, loko nkarhi wu pfumela. Kandziyisa xilaveko xa leswaku hinkwerhu hi tshama hi ri kona evutirhelini ni ku yisa swiviko swa ntirho wa nsimu hi ku hatlisa eku heleni ka n’hweti.
15 min: Swilaveko swa vandlha. Mi nga ha pfuxeta tinhla ta swilaveko swa vandlha hi laha swi kombisiweke ha kona eka riendzo leri hundzeke ra mulanguteri wa xifundzha.
Risimu 71 ni xikhongelo xo pfala.