Minhlangano Ya Ntirho Ya May
Vhiki Leri Sungulaka Hi May 2
Risimu 20
5 min: Switiviso swa vandlha ni Switiviso swo karhi leswi humaka eka Vutirheli Bya Hina Bya Mfumo. Boxa malunghiselelo lama nga kona yo engetela ntirho wa nsimu.
15 min: Ku Akiwa Ka Tiholo Ta Mfumo. Bulo exikarhi ka vakulu vambirhi. Hlamuselani rungula ra ndlela yo tata tifomo ta ntirho wo tirhandzela loko munhu a faneleka ku tirha eku akiweni ka Holo ya Mfumo. Kandziyisani (1) mintlawa mimbirhi ya lava fanelekaka ku tisa tifomo ta ntirho wo tirhandzela ni (2) leswaku vatirhi hinkwavo vo tirhandzela, ku katsa ni lava tshameke va pfuna eku sunguleni, va fanele ku tata yin’wana ya tifomo letintshwa. Kutani mi hlamusela tinhla-nkulu ta ntirho wa Tikomiti to Aka ta Xifundzha hi laha wu hlamuseriwaka ha kona ebukwini leyi nge Timbhoni Ta Yehovha I Vahuweleri Va Mfumo Wa Xikwembu, matluka 322-8.
10 min: “Xana Ndzi Fanele Ku Cinca-cinca?” Bulo exikarhi ka vakulu vambirhi. Kandziyisa mimpfuno ya ku hlanganyela nkarhi na nkarhi entirhweni wa nsimu.
15 min: “Byela Van’wana Ntiyiso Hi Ku Tirhisa Timagazini.” Burisana ni vayingiseri. Hlamusela lexi endlaka timagazini ta hina ti hambana ni tin’wana ni leswaku ha yini sweswo swi fanele swi hi susumetela ku ti fambisa nkarhi wun’wana ni wun’wana. Hlela minkombiso mimbirhi yo koma.
Risimu 128 ni xikhongelo xo pfala.
Vhiki Leri Sungulaka Hi May 9
Risimu 214
10 min: Switiviso swa vandlha. Hi fanele hi xalamukela minkarhi yo kuma swikhokhelo. Hi nga ha swi fambisela lava a va hamba va amukela timagazini va tlhela va ti hlaya enkarhini lowu hundzeke. Ha yini u nga tsali mavito ya lava u nga tsakelaka ku va fambisela xikhokhelo? Hlamusela ndlela yo tata swiphephana swa xikhokhelo.
15 min: “Xana U Tirhisa Xihondzo xo Rindza Ni Xalamuka! Hi Ku Helela?” Bulo leri khutazaka, hi nkulu loyi a humelelaka eku nyikeleni ka vumbhoni hi timagazini. Tivisa vamakwerhu hi malunghiselelo lama endliweke hi vakulu ya ku pfuna un’wana ni un’wana leswaku a hlanganyela nkarhi na nkarhi eku nyikeleni ka vumbhoni hi timagazini. Boxa avhareji ya timagazini leti fambisiwaka hi vandlha n’hweti na n’hweti, ni avhareji ya muhuweleri ha un’we. Khutaza hinkwavo leswaku va tivekela pakani. (Leswaku u kuma swiringanyeto, vona Xihondzo xo Rindza xa January 1, 1994, tluka 25, ndzimana 21.) Loko hi hlaya timagazini nkarhi na nkarhi hi ta ti tsakela, naswona hi ta rhandza ku ti hangalasa.
20 min: “Endla Swichudeni Swa Bibele Swi Lunghekela Vutirheli.” Swivutiso ni tinhlamulo. Eka ndzimana 4 na 5, vana ni nkombiso wo koma lowu kombisaka ndlela yo pfuna xichudeni leswaku xi lunghiselela ku nyikela vumbhoni emutini. Xichudeni xi sungula hi rungula ro olova hi ku tirhisa Pisalema 37:11. Mufambisi wa dyondzo u kavanyeta a ku: “Ndzi ni vukhongeri bya mina.” Xichudeni a xi tivi leswaku xi ta ku yini. Kutani havambirhi va pfula buku leyi nge Reasoning, matluka 18-19, va kamba tinhlamulo leti ringanyetiweke, kutani va hlawula leyi xichudeni xi yi vonaka yi olova ku yi tirhisa. Xichudeni xi ya emahlweni, xi nyikela nhlamulo leyinene, naswona xi titwa xi khutazekile hi vuyelo bya kona.
Risimu 139 ni xikhongelo xo pfala.
Vhiki Leri Sungulaka Hi May 16
Risimu 173
10 min: Switiviso swa vandlha. Hlaya xiviko xa timali ku katsa ni marito wahi ni wahi yo tlangela minyikelo. Kombisa timagazini leti ti nga ha fambisiwaka naswona u hlamusela tinhla ti nga ri tingani to vulavurisana.
17 min: “Vuyela Laha U Kumeke Ku Tsakela.” Swivutiso ni tinhlamulo. Vana ni nkombiso wa rungula rin’we kumbe mambirhi lama ringanyetiweke.
18 min: “Ku Pfuneka Hi Xitalo eXikolweni Xa Vutirheli Bya Le Tilweni.” Nkulumo ni ku burisana ni vayingiseri hi mulanguteri wa xikolo. Khutaza hinkwavo ku amukela ni ku hetisisa swiavelo. Kandziyisa nkoka wo fambisana ni ku hlaya ka Bibele ka vhiki na vhiki. Hlamusela ndlela leyi vandlha hinkwaro ri nga pfunekaka ha yona eka ndzayo leyi nyikiwaka swichudeni.
Risimu 53 ni xikhongelo xo pfala.
Vhiki Leri Sungulaka Hi May 23
Risimu 192
15 min: Switiviso swa vandlha. Hlamusela swihloko leswi xiyekaka eka timagazini ta sweswinyana, naswona u hlela nkombiso wun’we kumbe mimbirhi yo koma.
15 min: “Xana Wa Va Xixima Vanhu Loko U Va Nyika Ndzayo?” Nkulumo leyi nyikeriwaka hi nkulu, yi sekeriwe eka Xihondzo xo Rindza xa February 1, 1994, matluka 25-9.
15 min: Mulanguteri wa ntirho u bula hi malunghiselelo ya tsima ra 1994 ra nsimu leyi nga aviwangiki. Hlanganisa ni papila ra Sosayiti ra April 1, 1994, hi ku komisa, naswona u boxa kungu ra matirhelo leri hleriweke hi vakulu. Mavandlha lama nga hlanganyeliki etsimeni ra nsimu leyi nga aviwangiki ma nga bula hi leswi swi nga endliwaka eku chumayeleni, ensin’wini ya wona leyi nga tirhiwiki ngopfu kumbe nsimu ya le kule, kumbe ndlela leyi ma nga pfunaka vandlha leri nga ekusuhi leswaku ri hlanganisa nsimu ya rona.
Risimu 19 ni xikhongelo xo pfala.
Vhiki Leri Sungulaka Hi May 30
Risimu 204
10 min: Switiviso swa vandlha. Marungula Ya Swa Mfumo.
15 min: Hlamusela nyiko ya buku ya June: Bibele—I Rito Ra Xikwembu Kumbe I Ra Munhu? N’wi kombe swifaniso swo tanihi leswi nga eka matluka 4, 137, 138 na 143. Vana ni muhuweleri la nga ni vuswikoti a endla nkombiso wo koma wa rungula leri sekeriweke eka xin’wana xa swifaniso leswi, a tirhisa Matewu 24:7, 8. Boxa malunghiselelo ya nsimu ya vhiki leri landzelaka.
20 min: Swilaveko swa vandlha kumbe nkulumo leyi khutazaka leyi nge “Vakreste Vo Sungula Ni Misava,” leyi sekeriweke exihlokweni xa nkandziyiso wa July 1, 1993 wa Xihondzo xo Rindza. Kandziyisa xilaveko xa leswaku hina namuntlha hi tekelela xikombiso xa Vakreste vo sungula.
Risimu 12 ni xikhongelo xo pfala.