Minhlangano Ya Ntirho Ya May

Vhiki Leri Sungulaka Hi May 6

Risimu 153

10 min: Switiviso swa vandlha. Marungula Ya Swa Mfumo. Switiviso leswi hlawuriweke eka Vutirheli Bya Hina Bya Mfumo.

15 min: “Tirha Hi Moya-xiviri Hinkwawo!” Swivutiso ni tinhlamulo. Loko nkarhi wu pfumela, kambisisani xihloko lexi nge “Tinhla To Bula Ha Tona Tanihi Ndyangu,” lexi nga eka Watchtower ya October 15, 1981, tluka 25.

20 min: “Vulavula Hi Ntiyiso Eka Muakelani Wa Wena.” Swivutiso ni tinhlamulo. Hlamusela swingheniso leswi ringanyetiweke. Khutaza lavantshwa leswaku va hlanganyela eku hangalaseni ka timagazini, va tirhisa swingheniso swo koma loko va sungula. Vana na minkombiso mimbirhi, leyi katsaka ku bula hi “Xikongomelo Xa Xihondzo xo Rindza” lexi nga eka tluka 2.

Risimu 148 ni xikhongelo xo pfala.

Vhiki Leri Sungulaka Hi May 13

Risimu 63

10 min: Switiviso swa vandlha. Xiviko xa timali.

20 min: “Hi Ni Ndzalo Ya Moya Leyi Tlurisaka!” Swivutiso ni tinhlamulo. Vana ni vahuweleri vambirhi kumbe vanharhu, ku katsa ni n’wana wa kondlo-a-ndzi-dyi, va boxa yin’wana ya mikateko ya vona. Gimeta hi ku kombisa ndlela leyi ku tlangela ngopfu ku hi susumetaka ha yona leswaku hi tirha hi ku hiseka entirhweni lowo kwetsima.

15 min: Swilaveko swa vandlha. Kumbe nkulumo hi nkulu hi xihloko lexi nge “Ha Yini Ku Hemba Swi Olova Swonghasi?” eka nkandziyiso wa Xihondzo xo Rindza xa December 15, 1992, matluka 21-3.

Risimu 193 ni xikhongelo xo pfala.

Vhiki Leri Sungulaka Hi May 20

Risimu 126

10 min: Switiviso swa vandlha. Khutaza hinkwavo leswaku va hlanganyela eku hangalaseni ka timagazini.

20 min: “Tshama U Ri Karhi U Vulavula Hi Ntiyiso.” Kandziyisa xilaveko xo endla maendzo yo vuyela, hi xikongomelo xo sungula tidyondzo. Fambisa swikhokhelo eka lava va tsakelaka ku hlaya Xihondzo xo Rindza ni Xalamuka! Vana na minkombiso mimbirhi leyo koma.

15 min: “Xana U Khomeke Ngopfu?” Swivutiso ni tinhlamulo. Loko nkarhi wu pfumela, katsa tinhlamuselo leti nga eka matluka 14-16 ya Awake! ya June 8, 1990. Vana ni muhuweleri un’we kumbe vambirhi va hlamusela hi ku komisa leswi va swi endleke leswaku va humelela hambiloko va khomekile swinene hi xiyimiso xa swa moya.

Risimu 28 ni xikhongelo xo pfala.

Vhiki Leri Sungulaka Hi May 27

Risimu 121

5 min: Switiviso swa vandlha. Tsundzuxa vahuweleri leswaku va vika ntirho wa vona wa nsimu wa May hi ku hatlisa.

15 min: Ku Fambisa Buku Leyi Nge Vutivi Lebyi Yisaka eVuton’wini Lebyi Nga Heriki Hi June. Mulanguteri wa ntirho u rhanga hi ku hlamusela xivangelo xa ku humesiwa ka buku leyi nge Vutivi. Endzhaku ka sweswo a bula hi tin’wana ta tinhla-nkulu ni vahuweleri vambirhi kumbe vanharhu lava nga ni vuswikoti. Buku yi hlamula swivutiso swa mayelana ni vumundzuku bya hina, maxangu ya vanhu, Mfumo wa Xikwembu, ku hanya hi ku chava Xikwembu, vutomi bya ndyangu ni leswi xikhongelo xi pfunaka swona. Vahuweleri vambirhi entlaweni lava hambaneke va nga endla nkombiso wa xingheniso lexi nga tirhisiwaka ku sungula dyondzo eka riendzo ro sungula kumbe eka riendzo ro vuyela. Kutani mulanguteri wa ntirho u ta hlanganisa tinhla letin’wana. Ku ni xilaveko xo fambisa tidyondzo ta Bibele leti engetelekeke leti endlaka nhluvuko hi nkarhi wo koma. Buku leyi yi endleriwe xikongomelo xolexo hi ku hlawuleka. Yi veka ntiyiso hi ndlela leyinene, yi ba nhloko ya mhaka. Swivutiso leswi nga eka ndzimana yin’wana ni yin’wana, kun’we ni leswi nga emakumu ka ndzima yin’wana ni yin’wana, swi hi pfuna ku twisisa tinhla-nkulu. Buku yi katsa tinhlamulo ta swivutiso leswi vutisiwaka vanhu lava ha ku tinyiketelaka lava tsakelaka ku khuvuriwa. Khutaza hinkwavo leswaku va tirha hi xikongomelo xo sungula tidyondzo hi June.

10 min: Bokisi Ra Swivutiso. Hlaya u tlhela u bula ni vayingiseri.

15 min: Hlanganyela Eku Endleni Ka Maendzo Yo Vuyela Vhiki Na Vhiki. Bulo leri khutazaka hi mulanguteri wa ntirho kumbe nkulu un’wana loyi nkarhi na nkarhi a endlaka maendzo yo vuyela. Nhlayo ya valanguteri lava famba-fambaka yi phofule ku karhateka hikwalaho ka leswi ku nga vamakwerhu va nga ri vangani ntsena lava endlaka maendzo yo vuyela. Xiyimo xi njhani evandlheni ra n’wina? Nyika nhlayo ya maendzo yo vuyela. N’hweti na n’hweti Vutirheli Bya Hina Bya Mfumo byi na xihloko lexi vulavulaka hi mhaka leyi ya nkoka ya vutirheli bya hina. Xana ma swi tirhisa swiringanyeto sweswo? Nakambe ku xiyiwe leswaku i vafambisi va nga ri vangani va tidyondzo ta buku lava kambisisaka leswaku va tiyiseka loko vahuweleri lava nga entlaweni wa vona va endla maendzo yo vuyela ni ku tlhela va tirhisa swiringanyeto leswi nga eka tluka ro hetelela ra Vutirheli Bya Hina Bya Mfumo. Khutaza hinkwavo leswaku va xalamukela ku endla maendzo yo vuyela, va tiyimisela ku heta kwalomu ka hafu ya nkarhi wa vona wa nsimu va endla maendzo yo vuyela. Loko nkarhi wu pfumela, hlamusela rungula leri nga ebukwini leyi nge Vutirheli Bya Hina, eka matluka 88-9.

Risimu 155 ni xikhongelo xo pfala.