Marungula Ya Swa Mfumo

Afrika Dzonga: Ha tsaka ku mi tivisa leswaku ku fikela sweswi ku nyiketeriwe Tiholo ta Mfumo ta 11 eka lembe leri ra ntirho, ku nga leti: Buccleuch (eJoni), Durbanville, Ekangala (eBronkhorstspruit), Ethwathwa (eBenoni), Lamontville (eDurban), Louis Trichardt, Mahalapye (eBotswana), Masele (eKing William’s Town), Weltevrede (eMarble Hall), Mariannhill (ePinetown), na Kwa-Mashu (eDurban).

Kunene i masungulo lamanene ya lembe ra ntirho ra 1996. Hi khutaza hinkwavo vatirhi lava tirhandzelaka leswaku va hambeta hi nseketelo lowunene lowu va wu nyikelaka Tikomiti To Aka Ta Xifundzha ta 23.

Minyikelo ya n’wina yo tirhandzela ya n’hweti na n’hweti na yona ya tlangeriwa swinene. Hi kombela vakulu leswaku va tiyiseka leswaku ku va ni bokisi ra munyikelo leri funghiweke ku Society’s Kingdom Hall Building Fund. Munyikelo lowu wu ta tlangeriwa hi Sosayiti n’hweti na n’hweti naswona papila ro nkhensa ri fanele ri hlayeriwa vandlha.