Switiviso
◼ Tibuku leti nga ta fambisiwa hi October: Swikhokhelo swa lembe rin’we hi poso swa Xalamuka! kumbe Xihondzo xo Rindza hi munyikelo wa R38,00 swa minkandziyiso leyi humaka kambirhi hi n’hweti. Xikhokhelo xa lembe rin’we xa minkandziyiso leyi humaka kan’we hi n’hweti kumbe xikhokhelo xa minkandziyiso leyi humaka kambirhi hi n’hweti xa tin’hweti ta tsevu i R19,00. Swikhokhelo swa ntlawa i R24,00 na R12,00 hi ku ya hi tin’hweti ta kona. Tikarhateleni ku fambisa tikopi ta timagazini loko xikhokhelo xi ariwa. November: Vutivi Lebyi Yisaka eVuton’wini Lebyi Nga Heriki hi munyikelo wa R3,50. Tikarhateleni ku tlhelela eka lava mi va fambiseleke buku leyi, hi xikongomelo xo ya sungula tidyondzo ta le kaya ta Bibele. December: Bibele—I Rito Ra Xikwembu Kumbe I Ra Munhu? hi munyikelo wa R3,50. January: Ku Rhula Ka Ntiyiso Ni Nsirhelelo—U Nga Swi Kuma Njhani? hi munyikelo wa R3,50.
◼ Xiengetelo xa “Xiyimiso Xa Xikolo Xa Vutirheli Bya Le Tilweni Xa 1997” lexi nga enkandziyisweni lowu wa Vutirheli Bya Hina Bya Mfumo xi fanele xi hlayisiwa leswaku xi ta tirhisiwa hi 1997.
◼ Mavandlha ma fanele ma sungula ku oda tsalwa ra lembe ra 1997, leri kumekaka hi nxavo wa R13,00 kopi yin’we, hi Xibunu, Xinghezi, Xisuthu, Xixhosa na Xizulu. Nxavo lowu wu ta chajiwa eka akhawunti ya tibuku. Mavandlha lama nga ni xikweleti eka akhawunti ya wona ya tibuku ma fanele ma rhumela tiodara ta wona ni mali. Ku ringanyetiwa leswaku mavandlha hinkwawo ma humesa ndzimana leyintshwa ya lembe hi January 1, 1997.
◼ Mavandlha ma fanele ma sungula ku oda xibukwana xa Ku Kambisisa Matsalwa Siku Na Siku—1997 kun’we ni odara ya wona ya tibuku ya nkarhi na nkarhi ku sukela hi October 1. Swibukwana leswi swi ta kumeka hi Chichewa, Xibunu, Xifurwa, Xigriki, Xijarimani, Xikwanyama, Xinghezi, Xintariyana, Xipedi, Xiputukezi, Xisuthu, Xitsonga, Xitswana, Xivenda, Xixhosa ni Xizulu. Ku fikela loko swibukwana leswi se swi kumekile ni loko se swi rhumeriwile, swi ta humelela tanihi “Back Ordered” eka ti-invoice ta vandlha. Swibukwana swa Ku Kambisisa Matsalwa Siku Na Siku i swilo leswi odiwaka hi ku hlawuleka naswona swi ta chajiwa eka akhawunti ya tibuku hi R1,80 xin’we, ku nga nxavo wa vahuweleri ni maphayona. Maphayona ya nkarhi hinkwawo ni yo hlawuleka lama tsariseleke ku phayona ku nga si fika July 1, 1996, ma nga ha kuma kopi ya mahala. Mavandlha lama nga riki na akhawunti ni Sosayiti kumbe lama nga ni xikweleti eka akhawunti ya wona ya tibuku ma fanele ma rhumela tiodara ta wona ni mali. Ku fanele ku tsariwa eka fomo ya Remittance and Credit Request (S-AB-20) ku kombisiwa tikopi ta mahala leti nyikiweke maphayona. Swibukwana leswi swi fanele swi odiwa hi vandlha. HI KHUTAZA XIRHO XIN’WANA NI XIN’WANA XA NDYANGU, KU KATSA NI VANA LAVA KOTAKA KU HLAYA, LESWAKU VA VA NI TIKOPI TA VONA VINI TA XIBUKWANA LEXI.
◼ Mulanguteri la ungamelaka: Hi kombela u tiyiseka leswaku xiviko xa Unassigned Territory Assignment xi endliwile naswona xi tlheriseriwa eka Sosayiti ku nga si hundza November 15, 1996. Nakambe tiyiseka leswaku u xi rhumela hi adirese leyi faneleke. Loko ku ri ni mintokoto leyi xiyekaka leyi humaka ensin’wini leyi nga aviwangiki, hi nga tsaka loko mi yi rhumela ni xiviko xa n’wina.
◼ Ku ta va ni ku tlakuka ka minxavo ya tibuku ku sukela hi November 1, 1996. Hi kombela mi xiyisisa Cost List leyi hi yi rhumeleke evandlheni rin’wana ni rin’wana leswaku mi kuma vuxokoxoko lebyi engetelekeke.
◼ Tibuku Letintshwa Leti Kumekaka:
Timbhoni Ta Yehovha eMozambhiki—Rhekhodo Ya Vutshembeki (vandlha ni vanhu: R1,00; maphayona R0,70) —Xitsonga
◼ Tikhasete Letintshwa Ta Vhidiyo Leti Kumekaka:
The New World Society in Action (Mpfuxeto wa bayisikopo ya matimu ya 1954 leyi nga ni vito leri; vandlha ni vanhu: R52,00; maphayona: R45,00) —Xinghezi