Switiviso

◼ Tibuku leti nga ta fambisiwa hi April na May: Xikhokhelo xa lembe rin’we xa poso xa Xihondzo xo Rindza hi munyikelo wa R41,00 xa minkandziyiso leyi humaka kambirhi hi n’hweti. Xikhokhelo xa lembe rin’we xa minkandziyiso leyi humaka kan’we hi n’hweti kumbe xikhokhelo xa tin’hweti ta tsevu xa minkandziyiso leyi humaka kambirhi hi n’hweti i R20,50. Swikhokhelo swa ntlawa i R24,00 na R12,00 hi ku hambana ka swona. Tikarhatele ku fambisa timagazini loko xikhokhelo xi ariwa. Entirhweni wa nsimu wa le xikarhi ka vhiki ni le nsin’wini leyi tirhiwaka nkarhi na nkarhi, ku nga ha tirhisiwa ni broxara leyintshwa leyi nge, I Yini Leswi Xikwembu Xi Swi Languteleke Eka Hina? June: Vutivi Lebyi Yisaka eVuton’wini Lebyi Nga Heriki hi munyikelo wa R4,00. Vana ni xikongomelo xo sungula tidyondzo ta le kaya ta Bibele. July na August: Broxara yihi na yihi ya matluka ya 32 eka leti landzelaka hi munyikelo wa R1,20 yin’we: Hulumendhe Leyi Nga Ta Tisa Paradeyisi, Loko U Feriwa Hi Loyi U N’wi Rhandzaka, Tsakela Vutomi eMisaveni Hi Masiku!, Xana U Fanele Ku Pfumela Eka Vunharhu-un’we?, Xana Xikongomelo Xa Vutomi I Yini?—U Nga Xi Kumisa Ku Yini?, Xana Xikwembu Xa Hi Khathalela Hakunene? Mavandlha ma ta rhumeriwa papila ro ma tivisa malunghana ni tibuku to ti fambisa ensin’wini leyi nga aviwangiki.

◼ Swirho swa vandlha swi fanele swi rhumela swikhokhelo hinkwaswo leswintshwa ni leswi pfuxetiwaka, swa Xihondzo xo Rindza ni Xalamuka! kun’we ni swikhokhelo swa vona vini, hi ku tirhisa vandlha.

◼ Tsima ra nsimu leyi nga aviwangiki ri ta va hi tin’hweti ta August ku ya eka October 1997. Vahuweleri ni maphayona va khutaziwa ku seketela lunghiselelo leri, leswaku vanhu hinkwavo lava nga ensin’wini leyi nga aviwangiki va kuma vumbhoni lebyi heleleke. N’wexemu tsima leri ri seketeriwe kahle naswona ku ve ni vuyelo lebyinene. Leswi landzelaka swi vikiwe hi vahuweleri va 8382: tibuku ta 8729; swibukwana swa 27 731; tiawara ta 74 464; swikhokhelo swa 31; timagazini ta 25 060; maendzo yo vuyela ya 5100; ni tidyondzo ta Bibele to ringana 442.

◼ Sosayiti a yi swi amukeli swikombelo swa munhu hi xiyexe swa tibuku. Mulanguteri la ungamelaka u fanele a tiyiseka leswaku ku endliwa xitiviso n’hweti yin’wana ni yin’wana ku nga si rhumeriwa xikombelo xa vandlha xa tibuku eka Sosayiti leswaku hinkwavo lava tsakelaka ku tikumela tibuku ta vona vini va tivisa makwerhu la tamelaka tibuku. Hi kombela mi tsundzuka leswaku i tibuku tihi leti odiwaka hi ku hlawuleka.

◼ Mavandlha ma tsundzuxiwa leswaku ma nga tirhisi tivhidiyo ta Sosayiti ku siva minhlangano ya vandlha ya nongonoko wa nkarhi na nkarhi. Tivhidiyo leti ti humeseriwe ku tirhisiwa ensin’wini, ku nga ri eminhlanganweni ya vandlha. Vateki va mahungu, swikolo ni tiyunivhesiti ti nga ha kombisa tivhidiyo ta Sosayiti ntsendze loko va tivisa Sosayiti tanihi mukandziyisi ni ku kombisa tivhidiyo leti hinkwato ka tona va nga nghenisanga swin’wana. Minkombiso ya ti-slide leyi humesiweke hi Sosayiti yi nga ha tirhisiwa eminhlanganweni ya vandlha.

◼ Mavandlha ma fanele ma sungula ku oda tivholumo ta Xihondzo xo Rindza na Xalamuka! ta 1996. Tivholumo leti ti ta kumeka hi Xinghezi, Xijarimani ni Xiputukezi. Mi nga rhumeli tioda ni mali loko vandlha ra ka n’wina ri ri ni akhawunti ya tibuku ni Sosayiti. Mali ya tivholumo leti yi ta katsiwa eka akhawunti ya tibuku ta vandlha. Ku kondza loko tivholumo ti kumeka ni ku rhumeriwa, ti ta humelela tanihi “Back Ordered” eka swikomba-nxavo swa vandlha. Mavandlha lama nga ni xikweleti eka akhawunti ya wona ya tibuku ma fanele ma rhumela mali ni tioda ta wona. Tivholumo leti i swilo leswi odiwaka hi ku hlawuleka naswona i R26,00 eka vandlha, vanhu ni maphayona.

◼ Tibuku Letintshwa Leti Kumekaka:

Watch Tower Publications Index 1986-1995 (vandlha ni vanhu: R24,00; maphayona: R17,50) —Xinghezi

◼ Tikhasete Letintshwa Leti Kumekaka:

I Yini Leswi Xikwembu Xi Swi Languteleke Eka Hina? (vandlha ni vanhu: R10,00; maphayona: R9,00) —Xibunu, Xifurwa, Xinghezi, Xipedi, Xiputukezi, Xisuthu, Xitsonga, Xitswana, Xixhosa, Xizulu