Switiviso

◼ Tibuku leti nga ta fambisiwa hi February: Xihundla Xa Ntsako eNdyangwini hi munyikelo wa R5,00 eka buku leyi nga ni xifunengeto xo tsindziyela naswona leyi nga ni xifunengeto xo olova hi R3,75, kumbe mi fambisa buku yihi ni yihi ya khale leyi nga ni matluka ya 192, leyi mi nga na yona exitokweni hi munyikelo wa R1,00. March: Vutivi Lebyi Yisaka eVuton’wini Lebyi Nga Heriki hi munyikelo wa R5,00 eka buku leyi nga ni xifunengeto xo tsindziyela naswona leyi nga ni xifunengeto xo olova hi R3,75, kumbe mi fambisa buku yihi ni yihi ya khale leyi nga ni matluka ya 192, leyi mi nga na yona exitokweni hi munyikelo wa R1,00. Ku fanele ku endliwa matshalatshala yo hlawuleka yo sungula tidyondzo ta le kaya ta Bibele hi buku leyi nge Vutivi. April na May: Tikopi ta Xihondzo xo Rindza ni Xalamuka! Tshamani mi ri ni broxara leyi nge Leswi Xi Swi Languteleke leswaku mi yi fambisela vanhu lava tsakelaka, naswona tikarhateleni ku sungula tidyondzo ta le kaya ta Bibele.

◼ Ku sukela hi vhiki ra March 22, 1999, ku ta dyondziwa buku leyi nge Nghwazi Leyi Tshameke Yi Hanya eka Dyondzo ya Buku ya Vandlha. Nkandziyiso lowu wa Vutirheli Bya Hina Bya Mfumo wu ni xiyimiso lexi heleleke xa dyondzo. U nga ha xi kopa hi muchini ivi u xi nghenisa ebukwini ya wena leswaku u ta xi tirhisa hi ku olova loko u xi lava. Nkongomiso wa ndlela leyi xingheniso xi nga ta dyondziwa ha yona wu andlariwe eka ndzimana 5 ya xihloko lexi nge “Ku Dyondza Nghwazi Leyi Tshameke Yi Hanya,” eka tluka 1 ra Vutirheli Bya Hina Bya Mfumo bya September 1992.

◼ Mavandlha ma fanele ma tsala Nomboro ya wona ya Vandlha nkarhi hinkwawo loko ma tsalela Sosayiti, tanihi leswi mafambiselo yo tala ya tikhompyutara ta hina ma lavaka nomboro leyi. Hi wu tlangela swinene ntirhisano wa n’wina.

◼ Matsalana ni mulanguteri wa ntirho va fanele va kambisisa ntirho wa maphayona hinkwawo ya nkarhi hinkwawo. Loko rin’wana ra wona ri tikeriwa hi ku fikelela tiawara leti lavekaka, vakulu va fanele va lunghiselela ku ri nyika mpfuno. Leswaku mi kuma swiringanyeto, hlayani mapapila ya Sosayiti ya S-201 ya lembe na lembe ya October 1. Nakambe vonani tindzimana 12-20 ta xiengetelo xa Vutirheli Bya Hina Bya Mfumo bya August 1986.

◼ Sosayiti yi rhamba vakulu ni mindyangu ya vona leswaku va endla xikombelo xa ku va vapfhumba entsombanweni wa muganga hi December 1999 eSt. Helena. Loko u swi tsakela, hi kombela u tsala papila, u ri nyika komiti ya ntirho yi ri sayina ivi u ri rhumela eka Sosayiti hi ku hatlisa hilaha swi nga kotekaka hakona. Loko u amukeriwile, hi ta ku rhumela vuxokoxoko byin’wana lebyi engetelekeke. Xikepe lexitsongo xi ta suka eCape Town hi November 27 naswona xi ta vuya kwalomu ka December 22, hikwalaho u nga ha tshama kwalomu ka 15 wa masiku eka xihlala lexi.

◼ Tibuku Letintshwa Leti Kumekaka:

Is There A Creator Who Cares About You? (vandlha ni vanhu: R3,75; maphayona: R2,50)—Xibunu, Xidachi, Xifurwa, Xigriki, Xijarimani, Xinghezi, Xintariyana, Xipolish, Xiputukezi

Ku Humelela Yini Hi Hina Loko Hi Fa? (vandlha ni vanhu: R1,20; maphayona: R0,80)—Xibunu, Chichewa, Xichayina, Xidutch, Xifurwa, Xigriki, Xijarimani, Xinghezi, Xintariyana, Xipedi, Xipolish, Xiputukezi, Xishona, Xisuthu, Xiswahili, Xitsonga, Xitswana, Xivenda, Xixhosa, Xizulu

◼ Tikhasete Letintshwa Ta Vhidiyo Leti Kumekaka:

Noah—He Walked With God (vandlha ni vanhu: R55,00; maphayona: R45,00)—Xinghezi