Switiviso

◼ Tibuku leti nga ta fambisiwa hi November: Ku ta yiwa emahlweni ku fambisiwa Kingdom News No. 36. Mavandlha lama hlanganiseke nsimu ya wona hi ku fambisa Kingdom News No. 36 emitini hinkwayo, ma nga ha fambisa broxara leyi nge Leswi Xi Swi Languteleke kumbe buku leyi nge Vutivi. Loko ko kumeka leswaku vanhu se va na yona broxara leyi kumbe buku leyi, ku nga ha fambisiwa Vuhundzuluxeri Bya Misava Leyintshwa Bya Matsalwa Ya Vukreste Ya Xigriki. December: Vutivi Lebyi Yisaka eVuton’wini Lebyi Nga Heriki swin’we ni Vuhundzuluxeri Bya Misava Leyintshwa. January: Xihundla Xa Ntsako eNdyangwini kumbe Ku Lavisisa Ka Vanhu Xikwembu. February: Nghwazi Leyi Tshameke Yi Hanya kumbe buku yin’wana ni yin’wana ya matluka ya 192 leyi kandziyisiweke emahlweni ka 1986 leyi vandlha ri nga na yona exitokweni.

◼ Endzhaku ka ku hela ka tsima ra ku fambisa Kingdom News, mavandlha lama ha riki ni mphakelo wa Kingdom News No. 36 ma nga khutaza vahuweleri ku fambisa swiphephana leswi hi ndlela leyi fanaka ni ku fambisiwa ka swiphephana leswi tolovelekeke—hi yindlu ni yindlu kumbe kun’wana ni kun’wana. Loko swi koteka, vahuweleri va nga siya xiphephana eka muti wun’wana ni wun’wana lowu va kumaka wu nga ri na munhu, va tiyiseka leswaku a xi voniwi hi vanhu lava hundzaka hi ndlela. Ku fanele ku endliwa matshalatshala ya ku fambisa swiphephana hinkwaswo leswi seleke, swa rungula leri ra nkoka.

◼ Mulanguteri la ungamela kumbe un’wana la hlawuriweke hi yena u fanele ku kambisisa timali ta vandlha hi December 1 kumbe hi ku hatlisa endzhaku ka siku leri. Loko se ti kambisisiwile, tivisani vandlha loko mi endla xiviko xa timali lexi landzelaka.

◼ Mavandlha ma fanele ku sungula ku endla swikombelo swa swirhambo swa xitsundzuxo swa lembe ra 2001 loko ma endla xikombelo xa wona xa tibuku lexi landzelaka. Swirhambo swi kumeka hi Xibunu, Xinghezi, Xipedi, Xiputukezi, Xisuthu, Xitsonga, Xitswana, Xixhosa ni hi Xizulu. Swi fanele ku komberiwa hi swiphephana swa 100 ririmi ha rin’we. Hi kombela leswaku mi ringanisela loko mi endla swikombelo hikuva swirhambo leswi swi endleriwe ntsena vanhu lava tsakelaka ku nga ri ku nyika mani na mani.