Switiviso

◼ Tibuku leti nga ta fambisiwa hi January: Xihundla Xa Ntsako eNdyangwini kumbe Ku Lavisisa Ka Vanhu Xikwembu. February: Nghwazi Leyi Tshameke Yi Hanya kumbe buku yin’wana ni yin’wana ya khale ya matluka ya 192 leyi kandziyisiweke hi lembe ra 1986 kumbe emahlweni ka rona, leyi vandlha ri nga na yona exitokweni. March: Vutivi Lebyi Yisaka eVuton’wini Lebyi Nga Heriki. Ku fanele ku endliwa matshalatshala yo hlawuleka ya ku sungula tidyondzo ta le kaya ta Bibele. April: Timagazini ta Xihondzo xo Rindza na Xalamuka! Fambisani buku leyi nge Vutivi kumbe broxara leyi nge Leswi Xi Swi Languteleke hi xikongomelo xa ku sungula tidyondzo ta le kaya ta Bibele.

◼ Vahuweleri hinkwavo lava khuvuriweke lava nga ta va kona eka Nhlangano wa Ntirho wa vhiki ra January 8 va ta nyikiwa makhadi ya Advance Medical Directive/Release ni ya Identity Card ya vana va vona.

◼ Ku sukela hi February ku ya fikela hi March 4, nkulumo ya le rivaleni leyintshwa leyi nga ta nyikeriwa hi valanguteri va swifundzha yi ta va ni nhloko-mhaka leyi nge “Siku Ra Vuavanyisi—Xana I Nkarhi Wa Ku Chava Kumbe Wa Ntshembo?”

◼ Mavandlha ma fanele ku endla malunghiselelo lama faneleke ya ku tlangela Xitsundzuxo xa nan’waka hi Sonto, April 8, endzhaku ka ku pela ka dyambu. Hambiloko nkulumo yo sungula dyambu ri nga si pela, swifanekiselo a swi fanelanga swi fambisiwa loko dyambu ri nga si pela. Kumisisani nkarhi lowu dyambu ri pelaka ha wona endhawini ya ka n’wina. Tanihi leswi ku nga riki na minhlangano yin’wana leyi nga ta khomiwa hi siku leri loko ku nga ri nhlangano wa nsimu ntsena, ku fanele ku endliwa malunghiselelo lama faneleke leswaku Dyondzo ya Xihondzo xo Rindza yi khomiwa hi nkarhi wun’wana. Valanguteri va swifundzha va fanele ku lulamisa swiyimiso swa minhlangano ya vona evhikini leri hi ku landza swiyimo swa ndhawu yoleyo. Hambileswi swi antswaka leswaku vandlha ha rin’we ri tlangela Xitsundzuxo xa rona, a hi minkarhi hinkwayo leswi swi nga ta tirha. Laha hi ntolovelo mavandlha yo hlayanyana ma tirhisaka Holo yin’we ya Mfumo, kumbexana vandlha rin’we kumbe ku tlula ma nga kuma ndhawu yin’wana leswaku ma yi tirhisa madyambu wolawo. Loko swi koteka, hi ringanyeta leswaku minongonoko yi siyana hi timinete ta 40, ku endlela leswaku vanhu hinkwavo va vuyeriwa hi ku helela eka xiendlakalo lexi, leswaku va ta va ni nkarhi wa ku xewetana ni vaendzi ni ku khutaza lava ha ku sungulaka ku tsakela. Mi fanele ku tlhela mi anakanyela swiyimo swa swo famba ha swona ni ndhawu ya ku paka, ku katsa ni ndhawu leyi vanhu va nga ta xika ni ku khandziya eka yona. Huvo ya vakulu yi ta endla xiboho xa leswaku hi wahi malunghiselelo lama nga tirhaka endhawini ya ka n’wina.

◼ Nkulumo yo hlawuleka ya le rivaleni ya nguva ya Xitsundzuxo xa lembe ra 2001 yi ta nyikeriwa hi Sonto, April 1. Nhloko-mhaka ya nkulumo yoleyo yi ri “I Mani La Nga Ponisiwaka?” Phepha ra nkulumo ra ha ta rhumeriwa. Mavandlha lawa ma nga ta va ma endzeriwe hi mulanguteri wa xifundzha, ma ri ni nhlengeletano ya xifundzha kumbe ma ri ni siku ra nhlengeletano yo hlawuleka hi mahelo-vhiki wolawo, ma ta va ni nkulumo ya wona yo hlawuleka hi vhiki ra April 9. A ku na vandlha ni rin’we leri nga ta va ni nkulumo yo hlawuleka emahlweni ka April 1, 2001.

◼ Tikhasete Letintshwa Leti Kumekaka:

Swikombiso Leswi Xalamukisaka eNkarhini Wa Hina (Drama, khasete yin’we)—Xinghezi

April 7, 2001 ri ta va Siku ra hina ro hlawuleka ra Timagazini. Enkarhini lowu hundzeke vo tala va tsakele ku hlanganyela entirhweni wo hlawuleka wa Siku ra Timagazini. Hi khutaza hinkwavo leswaku va sungula ku kunguhata ka ha ri sweswi leswaku va hlanganyela hi xitalo nan’waka. Mavandlha ma fanele ku rhumela swikombelo swo hlawuleka swa timagazini hi ku hatlisa swinene.