Leswi U Nga Swi Vulaka Hi Timagazini

Xihondzo xo Rindza July 15

“Xana u anakanya leswaku lavo homboloka va xanisiwa etiheleni? [Yimela nhlamulo.] Bibele yi swi kombisa kahle leswaku nxupulo wa xidyoho i yini. [Hlaya Varhoma 6:23a.] Kutani ke, xana tihele i ndhawu yo hisa laha vanhu va xanisiwaka kona? Xana hi laha ku yaka vanhu lava nga amukelekiki eka Xikwembu? Magazini lowu wu ni tinhlamulo ta Matsalwa ta swivutiso sweswo.”

Xihondzo xo Rindza Aug. 1

“Vanhu vo tala va anakanya leswaku swiyilayila ni mikhuva ya xintu a swi onhi nchumu. [Hlawula mhaka yin’we kumbe timbirhi eka bokisi leri nga eka tluka 5.] Xana u tshama u tivutisa leswaku swilo swo tano swi davuke kwihi? [Endzhaku ka nhlamulo, hlaya 2 Vakorinto 11:14.] Magazini lowu wu hlamusela leswi Bibele yi swi vulaka hi swiyilayila.”

Xalamuka! Aug. 8

“Vanhu vo tala a va dyi byi rhelela hikwalaho ka ku engeteleka ka vugevenga ni vutherorisi. Kumbexana u pfumelelana na wona marito ya Eklesiasta 8:9. [Yi hlaye kutani u yimela nhlamulo.] Nkandziyiso lowu wa Xalamuka! wu hlamusela leswi hi nga swi dyondzaka eka timhaka ta nkarhi lowu hundzeke wu tlhela wu hlamusela ndlela leyi ku tshikileriwa ko tano ka vanhu ku nga ta herisiwa ha yona ku nga ri khale.”

Xingheniso xin’wana: “Vanhu vo tala va teka ku gembula ku ri nchumu lowu amukelaka wo tisusa xivundza. Van’wana va anakanya leswaku xiendlo xo tano xi onha vuxaka bya ndyangu ni bya vanhu van’wana. Nkandziyiso lowu wa Xalamuka! wu hlamusela ku gembula hi ku ya hi vulavisisi lebya ha ku endliwaka. Nakambe swi nga ku tsakisa ku dyondza ndlela leyi misinya ya milawu ya Bibele yi vulaka swona hi mhaka leyi.” Hi xikombiso, hlaya 1 Timotiya 6:10.