Switiviso

◼ Minkandziyiso leyi nga ta fambisiwa hi August: Ku nga fambisiwa yin’wana ni yin’wana ya tibroxara leti landzelaka leti nga ni matluka ya 32: Hulumendhe Leyi Nga Ta Tisa Paradeyisi, Ku Humelela Yini Hi Hina Loko Hi Fa?, Loko U Feriwa Hi Loyi U N’wi Rhandzaka, Tsakela Vutomi eMisaveni Hi Masiku!, Vito Ra Xikwembu Leri Nga Ta Tshama Hi Masiku, “Vonani, Ndzi Endla Swilo Hinkwaswo Swi Va Leswintshwa”!, Xana U Fanele Ku Pfumela Eka Vunharhu-un’we?, Xana Xikongomelo Xa Vutomi I Yini—U Nga Xi Kumisa Ku Yini? ni leyi nge Xana Xikwembu Xa Hi Khathalela Hakunene? Broxara leyi nge Buku Ya Vanhu Hinkwavo ni leyi nge Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene? ti nga fambisiwa laha swi faneleke. September: Vutivi Lebyi Yisaka eVuton’wini Lebyi Nga Heriki. October: Timagazini ta Xihondzo xo Rindza na Xalamuka! Loko munhu a kombisa ku tsakela, n’wi nyikeni broxara leyi nge Leswi Xi Swi Languteleke, kutani mi ringeta ku sungula tidyondzo ta Bibele. November: I Yini Leswi Xikwembu Xi Swi Languteleke Eka Hina? kumbe Vutivi Lebyi Yisaka eVuton’wini Lebyi Nga Heriki. Loko vanhu ana se va ri na yona minkandziyiso leyi, va nga nyikiwa nkandziyiso wun’wana wa khale.

◼ Mulanguteri la ungamelaka kumbe un’wana la hlawuriweke hi yena u fanele ku kambisisa timali ta vandlha hi September 1 kumbe hi ku hatlisa endzhaku ka siku leri. Loko se ti kambisisiwile, tivisani vandlha hi nkarhi lowu mi endlaka xiviko lexi landzelaka xa timali.

◼ Ku hlayiwa ka tibuku hinkwato ni timagazini leti nga kona, ka lembe ni lembe, ku fanele ku endliwa hi August 31, 2002, kumbe hi siku ra le kusuhi ni rero. Ku hlayiwa loku ka fana ni loku endliwaka n’hweti ni n’hweti hi la tamelaka tibuku, naswona mintsengo ya tona yi fanele ku tsariwa eka fomo ya Ku Hlayiwa Ka Tibuku (S-18). Ntsengo wa timagazini leti nga kona wu nga kumiwa eka lava tamelaka timagazini evandlheni ha rin’we ra lawa ma kumaka mphakelo wun’we wa tibuku. Vandlha ha rin’we leri ungamelaka ri ta kuma tifomo tinharhu ta Ku Hlayiwa Ka Tibuku (S-18). Hi kombela leswaku mi rhumela fomo yo sungula ehofisini ya rhavi ku nga si hundza siku ra September 6. Hlayisani kopi ya vumbirhi etifayeleni ta n’wina. Kopi ya vunharhu mi nga tirhela eka yona. Matsalana wa vandlha leri ungamelaka u fanele ku kongomisa ku hlayiwa loku. Yena ni mulanguteri la ungamelaka wa vandlha ra ka vona va ta sayina fomo leyi.

◼ Mavandlha ma fanele ma hatla ma sungula ku endla swikombelo swa tibeji ta ntsombano wa muganga wa 2002 loko ma endla xikombelo xa tibuku hi September. Tibeji ti fanele ti odiwa hi mpatsanyeto wa va-20. Swikombelo leswi nga ta endliwa nkarhi se wu hundzile a swi nge amukeriwi, hikwalaho loko swi hlwerile, n’hweti ya October a yi fanelanga yi hundza swi nga si endliwa. Tibeji ti ta kumeka hi Xinghezi, Xiputukezi, Xisuthu, Xixhosa ni Xizulu ntsena.

◼ Ku sukela hi August 27 ku ya eka 31, 2002, ku ta va ku hlayiwa tibuku hinkwato leti nga kona eBethele. Hikwalaho ka ku hlayiwa loku, a ku na swikombelo swa tibuku swa mavandlha leswi nga ta hleriwa ivi swi rhumeriwa hi masiku wolawo.

◼ Minkarhi yin’wana mavandlha ni vahuweleri va yisiwa etihubyeni ta nawu malunghana ni ku gandzela ka hina Yehovha. Hi 1950 ku humesiwe xibukwana lexi nge Defending and Legally Establishing the Good News leswaku xi pfuna etimhakeni to tano. Hambileswi xibukwana lexi xi pfuneke swinene enkarhini lowu hundzeke, rungula ra nawu leri xi ri hlamuselaka se ri hundzeriwe hi nkarhi. Hikwalaho, vahuweleri ni tihuvo ta vakulu a va fanelanga va ringeta ku tamela timhaka ta le nawini hi ku tirhisa rungula ra xibukwana xexo.