Ku Tlangela Tsima Ro Aka Tiholo Ta Mfumo

¹ Ku ve ntsako lowukulu ku vona ndlela leyi tsima ro aka Tiholo ta Mfumo ri seketeriweke ha yona eka lembe ra ntirho leri hi sukaka eka rona. Hi nkhensa hi vuyelela eka Tikomiti to Aka ta Xifundzha ta 25 kun’we ni le ka vapfuneti vo tirhandzela lava hlayiwaka hi magidi, lava kululeke va n’watseka entirhweni lowu. Hi nkhensa ni mavandlha lama kombiseke rirhandzu hi ku pfuna mavandlha lamatsongo hi mali kumbe hi mavoko leswaku ma aka tiholo ta wona.

² Mavandlha man’wana ya 17 ma nyiketele tiholo ta wona letintshwa hi July na August, ku nga: Moletjie, Makantane, Xihoko na Nzhelele (eXifundzheni xa Limpopo); Caguba (ePort St. Johns); Corana (le Umtata); Mathibestat (en’walungwini wa Pitori); Bakerville (eLichtenburg); Montshiwa West na Lonely Park (eMafikeng); Tseoge na Morokweng (en’walungwini wa Vryburg); Kagung (eKuruman); Machache, Quthing na Makaung (eLesotho); na Ladybrand (eFree State).

³ Ha ha rindzele xiviko lexi heleleke xa ntsengo wa tiholo leti nyiketeriweke hi lembe ra ntirho ra 2002. Hi ku ya hi xiviko lexi nga kona sweswi, mi kote ku pfuna mavandlha ya 53 lama nga ni vahuweleri va 2 878 leswaku ma va ni tindhawu letinene to gandzela eka tona. Ina, ku ni madzana ya vanhu lava tsakelaka, lava na vona va vuyeriwaka hi ku ya eka tindhawu leti ta minhlangano. Ya hlamarisa ndlela leyi moya wa Yehovha wu susumeteke vapfuneti vo tirhandzela vo tala swinene leswaku va endla ntirho lowu wukulu swi suka embilwini. Hinkwerhu ka hina ha tsaka hikwalaho ka nhluvuko lowu endliwaka naswona ha swi tiva leswaku matilo na wona ma tsaka hikwalaho ka ku andza koloko ka swilo swa Mfumo.

⁴ Xana u nga kota ku pfuna hi yini emhakeni ya ku aka Tiholo ta Mfumo hi lembe ra ntirho ra 2003? Xana swi nga koteka leswaku xirho xin’wana xa ndyangu kumbe ndyangu hinkwawo wu seketela Komiti yo Aka ya Xifundzha endhawini ya ka n’wina? Loko u nga si endla tano, kombela tifomo ta Kingdom Hall Construction Worker Questionnaire (S-82) eka matsalana wa vandlha, u ti tata hi ku ti patsanyeta kunene ivi u ti hundzisela eka vakulu. Hi khutaza hinkwavo lava pfunetaka entirhweni wo aka Tiholo ta Mfumo leswaku va nga karhali, naswona hi tlhela hi mi nkhensa hinkwenu hikwalaho ka ku tinyiketela ka n’wina emhakeni leyi. Loko Yehovha a swi rhandza, hi navela leswaku eka lembe leri ra ntirho hi tlhela hi kota ku aka tiholo ta mfumo to tala leti lavekaka hakunene.