Switiviso

◼ Minkandziyiso leyi nga ta fambisiwa hi March: Fambisani buku leyi nge Vutivi hi xikongomelo xo sungula tidyondzo ta le kaya ta Bibele. April na May: Fambisani tikopi ta Xihondzo xo Rindza na Xalamuka! Vahuweleri va fanele ku hlamusela vini va miti leswaku va nga nyikela loko va swi tsakela eka ntirho wa misava hinkwayo. Loko u endla maendzo yo vuyela eka vanhu lava tsakelaka, hisekela ku fambisa buku leyi nge Gandzela Xikwembu Xi Ri Xin’we Xa Ntiyiso. Ku fanele ku endliwa matshalatshala hinkwawo leswaku ku sunguriwa dyondzo ya le kaya ya Bibele, ngopfu-ngopfu loko van’wana va vona va tshame va hlaya buku leyi nge Vutivi ni broxara leyi nge Leswi Xi Swi Languteleke. June: Fambisani buku leyi nge Vutivi kumbe broxara leyi nge Leswi Xi Swi Languteleke. Loko vini va miti ana se va ri na yona minkandziyiso leyi, tirhisani broxara yin’wana leyi faneleke, leyi vandlha ri nga na yona exitokweni.

◼ Vahuweleri lava tsakelaka ku va maphayona ya nkarhinyana hi April va fanele va lulamisa swiyimo swa vona sweswi va tlhela va fambisa tifomo ta swikombelo swa vona ka ha ri ni nkarhi. Leswi swi ta pfuna vakulu leswaku va endla malunghiselelo lama faneleke ya nsimu ni ku endla leswaku ku kumeka timagazini ni minkandziyiso yin’wana leyi eneleke. Mavito ya hinkwavo lava fanelekaka ku va maphayona ya nkarhinyana ma fanele ma tivisiwa evandlheni n’hweti yin’wana ni yin’wana.

◼ Hofisi ya rhavi a yi tirhani ni swikombelo swa tibuku swa munhu un’we. Mulanguteri la ungamelaka u fanele a endla malunghiselelo ya leswaku ku endliwa xitiviso n’hweti yin’wana ni yin’wana ku nga si rhumeriwa xikombelo xa vandlha xa tibuku xa n’hweti ni n’hweti erhavini, leswaku hinkwavo lava lavaka tibuku va tivisa makwerhu la ti tamelaka. Tsundzukani leswaku hi tihi tibuku leti welaka eka swikombelo swo hlawuleka.

◼ Ha tsaka ku mi tivisa leswaku tsima ra nsimu leyi nga aviwangiki ra tin’hweti ta August ku ya eka October 2002 ri ve ni vuyelo lebyinene. Vahuweleri vo ringana 8 000 lava humaka emavandlheni ya 399 va hete tiawara to ringana 75 843 va fambisa timagazini ta 45 010, tibuku ta 3 951 na tibroxara ni swibukwana swa 29 205. Va endle maendzo yo vuyela ya 7 387 va tlhela va fambisa tidyondzo ta Bibele ta 1 734. Va ve ni mintokoto yo tala leyi tsakisaka naswona hinkwavo va ri langutele hi mahlo-ngati tsima ra 2003. Ha mi nkhensa hinkwenu hikwalaho ka moya wa n’wina wo tinyikela.

◼ Ku sukela eka nkandziyiso wa April 1, 2003, Xihondzo xo Rindza xa Xibemba xi ta hamba xi kumeka ni hi nkandziyiso wa maletere lamakulu.

◼ Minkandziyiso Leyintshwa Leyi Kumekaka:

Tshinela Eka Yehovha—Xibunu, Xichayina, Xichewa, Xidachi, Xifurwa, Xigriki, Xiheveru, Xihangariya, Xijapani, Xijarimani, Xiluvale, Xinghezi, Xintariyana, Xipaniya, Xipedi, Xipolish, Xiputukezi, Xirhaxiya, Xishona, Xitswana, Xiswahili, Xisuthu, Xitsonga, Xivhenda, Xixhosa na Xizulu

Vuhundzuluxeri Bya Misava Leyintshwa Bya Matsalwa Yo Kwetsima (Nkandziyiso lowu tolovelekeke)—Xizulu

Gondzo Leri Yisaka eVuton’wini Lebyi Nga Heriki—Xana Se U Ri Kumile?—Xichewa, Xifurwa, Xiherero, Xikwangali, Xikwanyama, Xindonga, Xinghezi, Xipaniya, Xipedi, Xiputukezi, Xishona, Xisuthu, Xiswahili, Xitsonga, Xitswana, Xivhenda, Xixhosa na Xizulu

Gandzela Xikwembu Xi Ri Xin’we Xa Ntiyiso—Xibunu, Xichayina, Xichewa, Xidachi, Xifurwa, Xigriki, Xihangariya, Xiheveru, Xihindi, Xijapani, Xijarimani, Xikwangali, Xikwanyama, Xindonga, Xinghezi, Xintariyana, Xipaniya, Xipedi, Xipolish, Xiputukezi, Xirhaxiya, Xishona, Xisuthu, Xiswahili, Xitsonga, Xitswana, Xivhenda, Xixhosa na Xizulu