Switiviso
◼ Minkandziyiso leyi nga ta fambisiwa hi April na hi May: Fambisani Xihondzo xo Rindza ni Xalamuka! June: Fambisani buku leyi nge Xihundla Xa Ntsako eNdyangwini. July na August: Mi nga ha fambisa yin’wana ni yin’wana ya tibroxara leti landzelaka leti nga ni matluka ya 32: Gondzo Leri Yisaka eVuton’wini Lebyi Nga Heriki—Xana Se U Ri Kumile?, Hulumendhe Leyi Nga Ta Tisa Paradeyisi, Loko U Feriwa Hi Loyi U N’wi Rhandzaka, Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?, Tsakela Vutomi eMisaveni Hi Masiku!, Tshamani Mi Rindzile!, Vito Ra Xikwembu Leri Nga Ta Tshama Hi Masiku, Xana U Fanele Ku Pfumela Eka Vunharhu-un’we? ni leyi nge Xana Xikwembu Xa Hi Khathalela Hakunene?
◼ Vamatsalana va vandlha va fanele ku tshama va ri ni mphakelo lowu ringaneke wa Fomo Ya Xikombelo Xa Vuphayona Bya Nkarhi Hinkwawo (S-205) ni leyi nge Application for Auxiliary Pioneer Service (S-205b). Ti nga komberiwa hi ku tirhisa fomo leyi nge Literature Request Form (S-14). Tshamani mi ri ni mphakelo lowu nga ta tirhisiwa lembe hinkwaro. Kambisisani tifomo hinkwato ta lava endlaka xikombelo xa vuphayona bya nkarhi hinkwawo leswaku mi tiyiseka loko swivutiso hinkwaswo swi hlamuriwile ku katsa ni siku leri va khuvuriweke ha rona, mi nga si ti rhumela erhavini.
◼ I swa nkoka leswaku rhavi ri tshama ri ri ni tiadirese leti faneleke ni tinomboro ta riqingho ta valanguteri hinkwavo lava ungamelaka ni vamatsalana. Rini na rini loko ko tshuka ku va ni ku cinca ko karhi, Komiti ya Ntirho ya Vandlha, yi fanele yi tata fomo leyi nge Presiding Overseer/Secretary Change of Address (S-29) kutani yi yi sayina ivi yi yi rhumela erhavini hi ku hatlisa. Leswi swi katsa ni ku cinca loku nga vaka kona eka tikhodi ta tinqingho ta ndhawu ya ka n’wina.
◼ Loko u titekela riendzo, u ya etikweni rin’wana laha u nga ta fika u lava ku ya eminhlanganweni, enhlengeletanweni kumbe entsombanweni wa muganga, u fanele u kongomisa swikombelo swa wena swa masiku, minkarhi ni ndhawu ya minhlangano eka hofisi ya rhavi leri langutelaka ntirho wa tiko rero. Tiadirese ta marhavi ti xaxametiwe eka tluka ro hetelela ra Buku Ya Lembe ya sweswinyana.
◼ Van’wana va vutisile loko va nga endlela vanghana va vona tikopi ta Watchtower Library leyi nga eka CD-ROM kumbe va endlela van’wana evandlheni, kumbe va nyika van’wana va tiendlela kopi leyi ivi loko va hetile va va tlherisela CD-ROM ya vona. Layisense leyi nyikaka mpfumelelo wo tirhisa CD-ROM, leyi nakambe u yi hlayaka loko progreme yoleyo yi ku pfulela leswaku u kota ku yi nghenisa eka khompyuta ya wena, leyi kumekaka ni laha ku nge “Help,” yi vula leswaku a swi pfumeleriwanga ku endla tano. Vamakwerhu va khutaziwa ku tikumela tikopi ta vona vini evandlheni ta Watchtower Library leyi nga eka CD-ROM.
◼ Matsalana u fanele ku tiyiseka leswaku nkarhi na nkarhi Komiti yo Aka ya Xifundzha ya tivisiwa hi swiyimo swa vahuweleri hinkwavo lava khuvuriweke lava tateke tifomo ta Kingdom Hall Volunteer Worker Questionnaire (S-82). Loko swiyimo swa mutirhi wa ku tirhandzela swi cincile, swo tanihi ku rhurha ka yena kumbe ku hlawuriwa ku va nandza wa vutirheli kumbe nkulu, ku fanele ku tatiwa tifomo letintshwa hi ku hatlisa ti tlhela ti rhumeriwa. Loko adirese ya mutirhi wa ku tirhandzela kumbe tinomboro ta riqingho ra yena swi cincile kumbe a nga ha ri exiyin’weni lexinene evandlheni, vakulu va fanele va tsala papila hi xihatla va tivisa Komiti yo Aka ya Xifundzha. Tikopi ta tifomo ta S-82 leti tatiweke leti nga efayeleni ya vandlha ti fanele ti nyikiwa mulanguteri wa xifundzha leswaku a ti vona loko a endzele vandlha.
◼ Ku ta tlhela ku va ni siku ra nhlengeletano yo hlawuleka ya ririmi ra mavoko eHolweni ya Tinhlengeletano ya le Eikenhof hi May 13, 2007. Nhlengeletano ya xifundzha hi ririmi ra mavoko yi ta va hi August 25, 26, 2007, kona eHolweni ya Tinhlengeletano ya le Eikenhof. Nakambe hi tsakela ku tivisa lava feke tindleve leswaku ntsombano wo sungula wa muganga hi ririmi ra mavoko wu ta va hi December 14-16, 2007, kona eHolweni ya Tinhlengeletano ya le Eikenhof. Hi mi tivisa ka ha ri ni nkarhi leswaku lava feke tindleve va nsimu ya Afrika Dzonga ni matiko lama hi akelaneke na wona va kota ku ta hi xitalo hilaha va nga kotaka hakona.
◼ XIYA: Loko u fonela erhavini hi kombela u tsundzuka leswi landzelaka: (1) Swirho swa ndyangu wa Bethele u nga swi fonela loko se swi chayisile entirhweni, handle ka loko ku ri ni mhaka ya xihatla. (2) Loko u ri ni xiphiqo kumbe u lava ku vutisa swo karhi, hi kombela u hlamusela leswaku u ba riqingho u ri kwihi ni mhaka leyi u lavaka ku pfuniwa ha yona. Vakulu mi nga foni mi kombela makwerhu wo karhi, hikuva a nga ha va a averiwe endzawulweni yin’wana kumbe a nga swi koti ku mi pfuna. Loyi a amukelaka tinqingho u ta rhumela riqingho ra wena eka ndzawulo leyi faneleke. Hi kombela mi ringeta ku komisa loko swi koteka leswaku mi hlayisa nkarhi hikuva i wa risima. (3) Loko u ri ni xiphiqo xa wena n’wini lexi u lavaka ku vulavula ha xona, hi kombela u bula ha xona ni vakulu va vandlha ra ka n’wina u nga si fonela erhavini. Va tiyimisele ku hlamula swivutiso swa wena ni ku ku pfuna hi swiphiqo swa wena. Mi nga fona ntsena loko mhaka ya kona yi ri ya xihatla, loko swi nga ri tano, hi mi khutaza HINKWENU ku katsa ni vakulu leswaku mi tsala papila kunene mi andlala swiphiqo swa n’wina. Hi ta yi tamela hi xihatla mhaka ya n’wina.—Vona Bokisi Ra Swivutiso leri nga eka Vutirheli Bya Hina Bya Mfumo bya December 1992, tluka 5.