Switiviso
◼ Minkandziyiso leyi nga ta fambisiwa hi June: Xihundla Xa Ntsako eNdyangwini. July na August: Mi nga ha fambisa yin’wana ni yin’wana ya tibroxara leti landzelaka leti nga ni matluka ya 32: Gondzo Leri Yisaka eVuton’wini Lebyi Nga Heriki—Xana Se U Ri Kumile?, Hulumendhe Leyi Nga Ta Tisa Paradeyisi, Loko U Feriwa Hi Loyi U N’wi Rhandzaka, Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?, Tsakela Vutomi eMisaveni Hi Masiku!, Tshamani Mi Rindzile!, Vito Ra Xikwembu Leri Nga Ta Tshama Hi Masiku, Xana U Fanele Ku Pfumela Eka Vunharhu-un’we? ni leyi nge Xana Xikwembu Xa Hi Khathalela Hakunene? September: Xana Bibele Yi Dyondzisa Yini Hakunene? Endla matshalatshala yo hlawuleka yo sungula tidyondzo ta Bibele eka riendzo ro sungula. Loko vini va miti se va ri na yona buku leyi, va kombe ndlela leyi yi nga va pfunaka ha yona hi ku va kombisa leswi dyondzo ya Bibele yi fambisaka xiswona.
◼ Mulanguteri la ungamelaka kumbe un’wana loyi a hlawuriweke hi yena u fanele ku kambisisa timali ta vandlha hi June 1 kumbe hi ku hatlisa endzhaku ka siku leri. Loko mi pfule akhawunti ya le tlhelo, yo kota yo lunghisa kumbe ku aka holo, ku fanele ku kambisisiwa timali leti hoxiweke eka akhawunti leyi. Loko leswi se swi endliwile, tivisani vandlha eka xiviko xa timali lexi landzelaka. Hikwalaho ka leswi SARS yi lavaka leswaku mavandlha ma tsarisiwa tanihi Public Benefit Organizations (PBO [Tinhlengeletano Leti Pfunaka Vaaki]) hi kombela leswaku mavandlha ma rhumela tiakhawunti ta wona ta March, April na May erhavini loko ma heta ku kambisisa timali ta kona. Matsalana ni mulanguteri wa timali va fanele va tiyiseka leswaku hinkwaswo leswi lavekaka swi kona naswona swi hleriwe hi mfanelo ni leswaku va rhumela rungula leri landzelaka: Accounts Sheet (S-26), Monthly Congregation Accounts Report (S-30), Receipts (S-24), marhasiti ya leswi hakeleriweke ni xitatimendhe xa le banki xa n’hweti ha yin’we (loko ku ri leswaku vandlha ri na yona akhawunti ebanki). Loko mi ti rhumela mi tsala leswaku ti kongomisiwa eka Accounting Office—Ku Tsarisiwa Eka PBO.
◼ Mphakelo wa tifomo ta lembe ra ntirho hinkwaro ra 2007 wu ta rhumeriwa ku nga ri khale hi timvhilopho letikulu eka vandlha rin’wana ni rin’wana hi vito ra vandlha leri ungamelaka. Tanihi leswi mavito ya mavandlha laman’wana ma nga tsariwiki eka timvhilopho teto, mulanguteri wa tibuku u fanele a wu langutisisa hi vukheta nxaxamelo wa leswi rhumeriweke kutani a tiyiseka leswaku vandlha ha rin’we ri hatla ri nyikiwa mphakelo wa rona.
◼ Mavandlha ma fanele ma kombela mphakelo lowu eneleke wa tifomo ta lembe ra ntirho ra 2008 eka xikombelo xa wona xa tibuku lexi landzelaka. Tifomo leti landzelaka a ti fanelanga ti katsiwa eka xikombelo xa mphakelo wa tifomo ta vandlha wa lembe hinkwaro hikuva ti ta rhumeriwa ni mphakelo wa vandlha: Congregation Report (S-1), Report Card Envelopes (rce), Literature Request Form (S-14), Contribution Remittance Form (S-20), Congregation Accounts Audit Report (S-25), Accounts Sheet (S-26) na Monthly Congregation Accounts Report (S-30). Hi kombela leswaku tifomo tihi na tihi mi ti tirhisela leswi ti endleriweke swona ntsena.
◼ Masiku ya nhlengeletano ya xifundzha ya Xiputukezi ma cinceriwe eka July 28, 29, 2007. Yi ta khomeriwa eHolweni ya Tinhlengeletano ya le Eikenhof.
◼ Minkandziyiso Leyintshwa Leyi Kumekaka:
Xana Xikwembu Xa Hi Khathalela Hakunene? (dg)—Xikwanyama
Vuhundzuluxeri Bya Misava Leyintshwa Bya Matsalwa Yo Kwetsima—Leyikulu (bi8)—Xibunu, Xisuthu, Xitsonga, Xitswana, Xixhosa ni Xizulu
Yimbelelelani Yehovha Swidzuniso—Marito Ntsena (tinsimu ta 100) (sb100)—Xivhenda
◼ Ti-MP3 Letintshwa Leti Kumekaka:
Kingdom Melodies (mpmel)
[Nhlamuselo ya xifaniso leyi nga eka tluka 2]
(Swi ya emahlweni eka tluka 3, khol. 1)
[Nhlamuselo ya xifaniso leyi nga eka tluka 3]
Switiviso (Swi ya emahlweni)