Switiviso
◼ Minkandziyiso leyi nga ta fambisiwa hi August: Mi nga ha fambisa yin’wana ni yin’wana ya tibroxara leti landzelaka leti nga ni matluka ya 32: Gondzo Leri Yisaka eVuton’wini Lebyi Nga Heriki—Xana Se U Ri Kumile?, Hulumendhe Leyi Nga Ta Tisa Paradeyisi, Loko U Feriwa Hi Loyi U N’wi Rhandzaka, Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?, Tsakela Vutomi eMisaveni Hi Masiku!, Tshamani Mi Rindzile!, Vito Ra Xikwembu Leri Nga Ta Tshama Hi Masiku, Xana U Fanele Ku Pfumela Eka Vunharhu-un’we? ni leyi nge Xana Xikwembu Xa Hi Khathalela Hakunene? September: Fambisani buku leyi nge Xana Bibele Yi Dyondzisa Yini Hakunene? Endlani matshalatshala yo hlawuleka yo sungula tidyondzo ta Bibele eka riendzo ro sungula. Loko vini va miti se va ri na yona buku leyi, va kombeni ndlela leyi yi nga va pfunaka ha yona hi ku va kombisa leswi dyondzo ya Bibele yi fambisaka xiswona. October: Fambisani timagazini ta Xihondzo xo Rindza ni Xalamuka! November: Fambisani buku leyi nge Dyondza Eka Mudyondzisi Lonkulu.
◼ Mulanguteri la ungamelaka u komberiwa ku rhumela swiviko swa tiakhawunti ta vandlha swa June, July na August erhavini hi ku hatlisa endzhaku ka ku hela ka n’hweti ya August. A swi bohi leswaku mi rhanga hi ku kambisisa swiviko leswi swa tiakhawunti loko mi nga si swi rhumela. Mi fanele mi katsa ni switatimendhe hinkwaswo swa le bangi. Loko mi swi rhumela mi swi kongomisa eka Accounting Office—PBO Registration.
◼ Vakulu va tsundzuxiwa ku landzelela swiletelo leswi nga eka Xihondzo xo Rindza xa April 15, 1991, matluka 21-3, malunghana ni vanhu lava susiweke eku hlanganyeleni kumbe lava tihambaniseke ni vandlha, lava kumbexana va lavaka ku vuyiseriwa eku hlanganyeleni.
◼ Mavandlha ma fanele ma sungula ku endla swikombelo swa 2008 Calendar of Jehovah’s Witnesses ni Buku Ya Lembe Ya Timbhoni Ta Yehovha Ya 2008 loko ma endla xikombelo xa wona lexi landzelaka xa tibuku. Minkandziyiso leyi yi wela eka swikombelo swo hlawuleka naswona yi fanele yi komberiwa ntsena loko ku ri ni vanhu vo karhi lava endleke swikombelo swa yona. Ku kondza loko minkandziyiso leyi yi va kona, ku ta tsariwa “Pending” emaphepheni ya nxaxamelo wa leswi rhumeriweke evandlheni ra n’wina. Vandlha ri fanele ri tivisiwa ku nga si rhumeriwa xikombelo xa minkandziyiso leyi. Vahuweleri a va fanelanga va hlwela ku tisa swikombelo swa vona eka nandza wa tibuku naswona makwerhu la ungamelaka tibuku u fanele a hatlisa a rhumela xikombelo xa minkandziyiso erhavini. Mulanguteri la ungamelaka u fanele a tiyiseka leswaku swikombelo swi rhumeriwa ka ha ri ni nkarhi. Swi ta lava leswaku mi hlela kahle. Ku hava malunghiselelo yo hlawuleka ya leswaku mi rhumeriwa mphakelo wa minkandziyiso ya vandlha ra n’wina hi ku hatlisa kumbe mi tilandzela yona eBethele. Mulanguteri wa ntirho u fanele a tiyiseka leswaku vandlha ri endla ntsena xikombelo xa minkandziyiso leyi hakunene yi nga ta tirhisiwa.
◼ A swi bohi leswaku mavandlha ma endla xikombelo xa swibukwana swa Ku Kambisisa Matsalwa Siku Ni Siku—2008 tanihi leswi rhavi ri nga ta swi rhumela emavandlheni hi ku ya hi tindzimi ni nhlayo ya Vutirheli Bya Hina Bya Mfumo. Kambe loko ku laveka nhlayo yo karhi kumbe tindzimi to karhi ta swibukwana leswi ku engetela eka leswi mi rhumeriweke swona, mi nga endla xikombelo. Mi fanele mi kombisa kahle eka fomo leyi nge Literature Request Form (S-14) leswaku “This is in addition to the consignment (Lexi i xikombelo lexi engetelekeke eka swibukwana leswi hi rhumeriweke swona).”
◼ A swi bohi ku endla xikombelo xa tibeji ta ntsombano wa 2007 tanihi leswi rhavi ri nga ta ti rhumela ka ha ri ni nkarhi emavandlheni mintsombano yi nga si sungula. Loko makwerhu la ungamelaka tibuku ta vandlha a kuma tibeji u fanele a tiyiseka leswaku vandlha rin’wana ni rin’wana ri kuma mphakelo wa rona. Loko ku laveka tibeji leti engetelekeke, kombisani kahle eka fomo leyi nge Literature Request Form (S-14) ivi mi tsala leswaku “This is in addition to the consignment (Lexi i xikombelo lexi engetelekeke eka leti hi rhumeriweke tona).” Swikombelo leswi nga ta rhumeriwa nkarhi se wu hundzile a hi nge swi rhumeli. Tibeji ta ntsombano ti ta kumeka hi Xibunu, Xifurwa, Xilozi, Xinghezi, Xiputukezi, Xisuthu, Xixhosa ni Xizulu. Tipulasitiki leti hoxaka tibeji ti fanele ti komberiwa ntsena hi lava va ti lavaka. Hi kombela mi languta Bokisi Ra Swivutiso leri nga eka nkandziyiso wa Vutirheli Bya Hina Bya Mfumo bya October 2001 malunghana ni lava faneleke va kuma tibeji.
◼ Minkandziyiso Leyintshwa Leyi Kumekaka:
Titolovete Ku Hlaya Ni Ku Tsala (ay) —Xivhenda
Watch Tower Publications Index 2006 (dx06) —Xinghezi
◼ Ti-DVD Letintshwa Leti Kumekaka:
Albamu ya The Watchtower Announcing Jehovah’s Kingdom—2007 (leyi nga tamelangiki nchumu) (dvcw07)—Ririmi ra Mavoko ra le Amerika