Switiviso
◼ Minkandziyiso leyi nga ta fambisiwa hi August: Broxara yin’wana ni yin’wana ya matluka ya 32 ya leti landzelaka: Gondzo Leri Yaka eVuton’wini Lebyi Nga Heriki—Xana Se U Ri Kumile?, Hulumendhe Leyi Nga Ta Tisa Paradeyisi, I Yini Leswi Xikwembu Xi Swi Languteleke Eka Hina?, Loko U Feriwa Hi Loyi U N’wi Rhandzaka, Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?, Tsakela Vutomi eMisaveni Hi Masiku!, Tshamani Mi Rindzile!, U Nga Va Munghana Wa Xikwembu, Vito Ra Xikwembu Leri Nga Ta Tshama Hi Masiku, Xana U Fanele Ku Pfumela Eka Vunharhu-un’we? ni leyi nge Xana Xikwembu Xa Hi Khathalela Hakunene? September: Xana Bibele Yi Dyondzisa Yini Hakunene? October: Xihondzo xo Rindza ni Xalamuka! November: Xana Bibele Yi Dyondzisa Yini Hakunene?
◼ Vakulu va tsundzuxiwa ku landzela swiletelo leswi nga eka Xihondzo xo Rindza xa April 15, 1991, matluka 21-23 malunghana ni vanhu lava susiweke eku hlanganyeleni kumbe lava tihambaniseke ni vandlha, lava kumbexana va lavaka ku vuyiseriwa.
◼ Hi kombela mi xiya leswaku a ku nge valangiwi eBethele ku sukela hi August 25 ku ya eka September 2, 2008 hi nkarhi wa ku hlayiwa ka tibuku ka lembe ni lembe.
◼ Mavandlha ma fanele ma sungula ku endla swikombelo swa 2009 Calendar of Jehovah’s Witnesses ni Buku Ya Lembe Ya Timbhoni Ta Yehovha Ya 2009 loko ma endla xikombelo xa wona lexi landzelaka xa tibuku. Minkandziyiso leyi a yi nge rhumeriwi loko mi nga endlanga xikombelo. Minkandziyiso leyi yi wela eka swikombelo swo hlawuleka naswona yi fanele yi komberiwa ntsena loko ku ri ni vanhu vo karhi lava endleke swikombelo swa yona. Kukondza loko minkandziyiso leyi yi va kona, ku ta tsariwa “Pending” emaphepheni ya nxaxamelo wa leswi rhumeriweke evandlheni ra n’wina. Vandlha ri fanele ri tivisiwa ku nga si rhumeriwa xikombelo xa minkandziyiso leyi. Vahuweleri a va fanelanga va hlwela ku tisa swikombelo swa vona eka nandza wa tibuku naswona makwerhu la ungamelaka tibuku u fanele a hatlisa a rhumela xikombelo xa minkandziyiso erhavini. Mulanguteri la ungamelaka u fanele a tiyiseka leswaku swikombelo swi rhumeriwa ka ha ri ni nkarhi. Swi ta lava leswaku mi hlela kahle tanihi leswi ku nga riki na malunghiselelo yo hlawuleka ya leswaku mi rhumeriwa mphakelo wa minkandziyiso ya vandlha ra n’wina hi ku hatlisa kumbe mi tilandzela yona eBethele. Mulanguteri wa ntirho u fanele a tiyiseka leswaku vandlha ri endla ntsena xikombelo xa minkandziyiso leyi hakunene yi nga ta tirhisiwa.
◼ A swi bohi leswaku mavandlha ma endla xikombelo xa swibukwana swa Ku Kambisisa Matsalwa Siku Ni Siku—2009 tanihi leswi rhavi ri nga ta swi rhumela emavandlheni hi ku ya hi tindzimi ni nhlayo ya Vutirheli Bya Hina Bya Mfumo. Kambe loko ku laveka nhlayo yo karhi kumbe tindzimi to karhi ta swibukwana leswi ku engetela eka leswi mi rhumeriweke swona, mi nga endla xikombelo. Mi fanele mi kombisa kahle eka fomo leyi nge Literature Request Form (S-14) leswaku “This is in addition to the consigned quantity (Lexi i xikombelo lexi engetelekeke eka leswi hi rhumeriweke swona).”
◼ Tibeji ta ntsombano wa 2008 ti ta rhumeriwa swin’we ni swikombelo swa minkandziyiso leyin’wana hambiloko mi nga endlanga xikombelo. Loko makwerhu la ungamelaka tibuku ta vandlha a kuma tibeji u fanele a tiyiseka leswaku vandlha rin’wana ni rin’wana ri kuma mphakelo wa rona. Loko ku laveka tibeji leti engetelekeke, kombisani kahle eka fomo leyi nge Literature Request Form (S-14) ivi mi tsala leswaku “This is in addition to the consigned quantity (Lexi i xikombelo lexi engetelekeke eka leti hi rhumeriweke tona).” Swikombelo leswi nga ta rhumeriwa nkarhi se wu hundzile a hi nge swi rhumeli. Tibeji ta ntsombano ti ta kumeka hi Xibunu, Xifurwa, Xinghezi, Xiputukezi, Xisuthu, Xixhosa ni Xizulu. Hi kombela mi languta Bokisi Ra Swivutiso leri nga eka nkandziyiso wa Vutirheli Bya Hina Bya Mfumo bya October 2001 malunghana ni lava faneleke va kuma tibeji.
◼ Tipulasitiki leti hoxaka tibeji (bdg) ti wela eka swikombelo swo hlawuleka kutani a ti nge rhumeriwi. Loko ku ri ni vahuweleri lava ti lavaka ku fanele ku endliwa swikombelo hi ku tirhisa vandlha leri ungamelaka tibuku ntsombano wu nga si fika. Swikombelo leswi nga ta rhumeriwa nkarhi se wu hundzile a hi nge swi rhumeli, kutani i swa nkoka leswaku mi hleleka.
◼ Enkandziyisweni lowu wa Vutirheli Bya Hina Bya Mfumo, xihloko lexi nge “Nkarhi Wo Tsaka Ni Ku Dyondzisiwa Hi Yehovha” ni lexi nge “Switsundzuxo Swa Ntsombano Wa Muganga” ku ta buriwa ha swona eka Nhlangano wa Ntirho lowu nga ta va kona eku heleni ka October. Hambiswiritano, eNamibia ni le Botswana, laha mintsombano yi nga ta hatla yi khomiwa, mavandlha ma fanele ma hlela ku va ni nkulumo ya 25 wa timinete leswaku ma bula hi swihloko leswi ka ha sele mavhiki manharhu leswaku ku sungula ntsombano lowu ma averiweke ku ya eka wona.
◼ Tinhlengeletano ta xifundzha ta ririmi ra mavoko ti ta khomeriwa eHolweni ya Tinhlengeletano ya le Bellville hi September 27, 28, 2008 ni ya le Eikenhof hi August 22, 23, 2009. Tinhlengeletano to hlawuleka ta siku rin’we ta ririmi ra mavoko ti ta khomeriwa eHolweni ya Tinhlengeletano ya le Bellville hi April 11, 2009 ni ya le Eikenhof hi April 26, 2009.
◼ Xirhambo (sf) lexi nga tatiwangiki adirese se xa kumeka hi ririmi ra mavoko laha Afrika Dzonga. Hi kombela mi xiya leswaku xirhambo lexi xi fanele yi tirhisiwa ntsena hi mavandlha ni hi mintlawa leyi tirhisaka ririmi ra mavoko. Loko vahuweleri va hlangana ni vanhu lava vulavulaka ririmi ra mavoko ensin’wini ya vona, va fanele va tata fomo leyi nge Please Follow Up (S-43) kutani va yi rhumela evandlheni ra le kusuhi leri tirhisaka ririmi ra mavoko.
◼ Watchtower Bound Volume 2008 yi ta humesiwa ro sungula hi Xibunu, Xisuthu, Xixhosa ni Xizulu. Mavandlha ma nga ha sungula ku endla swikombelo swa tivholumo teto hi tindzimi leti kombisiweke laha ntsena. Loko tivholumo leti ti nga si kumeka ni ku rhumeriwa ku ta tsariwa “Pending” emaphepheni ya nxaxamelo wa leswi rhumeriweke evandlheni ra n’wina. Tivholumo ti wela eka swikombelo swo hlawuleka.
◼ Ti-DVD Letintshwa Leti Kumekaka:
Album for The Watchtower Announcing Jehovah’s Kingdom—2008 (empty) (dvcw08)—Ririmi ra Mavoko ra le Amerika
◼ DVD Leyintshwa Leyi Nga Ni Tindzimi To Tala Leyi Kumekaka:
Warning Examples for Our Day and Respect Jehovah’s Authority (dvwra)—Xiarabu, Xidutch, Ximalagasy, Xinghezi, Xipaniya ni Xiputukezi (xa le Brazil ni xa le Yuropa) (Eka DVD yin’we)