Switiviso

◼ Minkandziyiso leyi nga ta fambisiwa hi September: Xana Bibele Yi Dyondzisa Yini Hakunene? Tiyimiseleni ku sungula tidyondzo ta Bibele eka riendzo ro sungula. October: Timagazini ta Xihondzo xo Rindza ni Xalamuka! Loko ku ri ni lava kombiseke ku tsakela, va nyikeni xiphephana lexi nge Xana Wa Swi Lava Ku Kuma Tinhlamulo Ta Swivutiso Swa Nkoka Swinene eVuton’wini? kutani mi tiyimisela ku sungula dyondzo ya Bibele na vona. November: Bibele Yi Tamele Rungula Rihi? December: Nghwazi Leyi Tshameke Yi Hanya. Emitini leyi nga ni vana, mi nga fambisa buku leyi nge Dyondza Eka Mudyondzisi Lonkulu.

◼ Nkulumo yo hlawuleka ya le rivaleni leyi fambisanaka ni nkarhi wa Xitsundzuxo xa 2011 yi ta nyikeriwa hi vhiki ra April 25, 2011. Nhloko-mhaka ya yona yi ta tivisiwa hi ku famba ka nkarhi. Mavandlha lama nga ta va ma endzeriwe hi mulanguteri wa xifundzha kumbe ma ri ni nhlengeletano hi vhiki rero, ma ta nyikeriwa nkulumo leyi eka vhiki leri landzelaka. A ku na vandlha leri faneleke ri nyikeriwa nkulumo yo hlawuleka ku nga si fika April 25.

◼ Ku sukela hi vhiki leri sungulaka hi March 14, 2011, ku ta dyondziwa buku leyi nge ‘Chumayela Mfumo Wa Xikwembu Hi Rixaladza’ eka Dyondzo ya Bibele ya Vandlha. Mavandlha lama lavaka tibuku leti, ma fanele ma endla xikombelo xa tona loko ma endla swikombelo swa wona swa tibuku.

◼ Ntsombano wa muganga lowu nga ta khomeriwa eQuthing (Xisuthu) wu cinciwe masiku, wu ta va hi ti 8-10 October, 2010.