Xiviko Xa Ntirho Wa Nsimu

Hi January 2012 matiko hinkwawo lama nga ehansi ka rhavi ra Afrika Dzonga, ku katsa ni xihlala lexitsongo xa St. Helena, ma vike nhlayo leyi engetelekeke ya vahuweleri. Botswana ri vike nhlohlorhi leyintshwa ya maphayona ya nkarhi hinkwawo ya 196. Nakambe swa khutaza swinene ku vona nhlayo ya maendzo yo vuyela ni tidyondzo ta Bibele yi ya yi andza. Laha Afrika Dzonga ku fambisiwe tidyondzo ta Bibele ta 118368. Mi tirhe kahle vamakwerhu, hambetani mi yisa swidzuniso eka Yehovha hi ku n’wi tirhela hi ku tshembeka.