LESWI HI SWI DYONDZAKA EBIBELENI | EKSODA 35-36

Hi Leteriwe Ku Endla Ntirho Wa Yehovha

Moya lowo kwetsima wa Yehovha wu pfune Bezalele na Oholiyabu leswaku va kota ku endla swilo leswi a swi laveka etabernakeleni. (Vona xifaniso xa xifunengeto.) Moya wo kwetsima wa Yehovha wa tirha ni le ka malandza yakwe namuntlha. Hi nga endla yini leswaku hi vuyeriwa eka wona?

Hi fanele hi kombela moya lowo kwetsima eka Yehovha leswaku wu hi pfuna hi antswisa vutshila bya hina entirhweni wakwe
Hi fanele hi hlaya Rito ra Xikwembu
Hi fanele hi endla ntirho lowu hi nyikiweke wona hi timbilu ta hina hinkwato

Swifaniso: Timbhoni ta Yehovha ti ri karhi ti endla swiavelo swo hambanahambana. 1. Vamakwerhu va ri karhi va endla ntirho wo aka. 2. Makwerhu a ri karhi a lughiselela dyondzo ya ‘Xihondzo xo Rindza.’ 3. Makwerhu a ri karhi a chumayela munhu loyi a tirhaka ku basisa loko makwerhu un’wana a rindze lava kanetaka. 4. Vatekani va ri eXikolweni Xa Vachumayeri va Mfumo.

Hi yihi mitirho leyi Yehovha a nga ku letelaka leswaku u yi endla?