Risimu 133

Ku Byala Mbewu Ya Mfumo

(Matewu 13:4-8, 19-23)

1. Tanani malandza ya La nge Henhla,

N’we mi n’wi rhandzaka ngopfu.

Tirhani ntirho lowu a nga mi ha;

Fambani ku kota Kreste.

Fambani mi ya haxa mbewu leyi

La yi nga ta mila kona

Yi veka mihandzu, ku tsaka Hosi,

Loko mi tirha hi matimba.

2. Yin’wana yi nga ha wela ’ndleleni

Yi dyiwa hi “tinyanyana.”

Yin’wana yi nga wela ’maribyeni

Ku tani yi fa hi dyambu.

Makwanga i mitwa ley’ nga dlayaka

Timbewu ti nga si kula.

Timbewu tin’wana ti nga ha wela

’Misaveni ya ku saseka.

3. Leswaku timbewu ti wela kwihi

Swi tala ku ya hi wena.

Hi musa u nga siva “tinyanyana,”

Ni dyambu ra Nala werhu.

Hi ku rindza u nga sivela mitwa

Yo tiya ni yo olova.

Hi ntsako u nga rindza ku tshovela

Leswo tala ku tlula mpimo.