Risimu 183
Ndhawu Ya Vantshwa eLunghiselelweni Ra Xikwembu
1. Ku ni ndhawu ya hinkwavo ebandlheni.
Hosi yi vitana vanhu hinkwavo.
Swa tsakisa loko vantshwa va yi rhandza,
Va twarisa marungula ya Mfumo.
Ensin’wini va swi kota ku dyondzisa,
Va xixima kasi va languteka
Ka Yehovha i rifuwo hakunene;
Va tsakisa ni vatswari va vona.
2. Sweswi vantshwa lava tivaka Yehovha,
Va rindzele sikunkulu ra ntsako.
Ehleketa mikateko leyi taka—
Ya vutomi byo pfumala makumu!
Sweswi hi le mikarhini ya maxangu,
Ya misava leyi yi nga ta “hela.”
A hi lweni hi matimba hi yi hlula;
Hi tshembeka eMfun’weni wa Hosi.
3. Ebandlheni va nga kuma ni vanghana.
Va nga va lavela yini va tiko?
A va endle swilo leswi swi akaka,
Swi kumeka ebukwini ya Hosi.
A va lave mpfuno ka lavo lulama,
Va va byela leswi va karhataka.
Munghana wa vona i Hosi Yehovha;
Wa twisisa kasi u ni tintswalo.
4. Hina hi swirho swa bandlha ra Vukreste,
Sweswi Kreste u hi nyika hinkwaswo.
A hi hlawuleni yena hi tshembeka;
Hi yingisa switsundzuxo swa yena.
Hi nga tshuki hi fumiwa hi misava;
Hosi a yi hi basise hi Rito.
Lavakulu ni lavantshwa, hi tshembeka;
Hi dzunisa Hosi leswo hi hanya.