I Vamani Valala Va Xikwembu?

Nala lonkulu wa Xikwembu i Sathana Diyavulosi. I xivumbiwa xa moya lexi xandzukeleke Yehovha. Sathana u hambeta a lwisana ni Xikwembu naswona u vangela vanhu swiphiqo leswikulu. Sathana u hombolokile. I muhembi naswona i mudlayi.​—⁠Yohane 8:⁠44.

Swivumbiwa swin’wana swa moya swi landzele Sathana loko a xandzukela Xikwembu. Bibele yi swi vitana madimona. Ku fana na Sathana, madimona i valala va vanhu. Ma swi rhandza ku xanisa vanhu. (Matewu 9:​32, 33; 12:​22) Yehovha u ta va lovisela makumu Sathana ni madimona ya yena. Nkarhi lowu saleke wa leswaku va karhata vanhu a wa ha nyawuli.​—⁠Nhlavutelo 12:⁠12.

Loko u lava ku va munghana wa Xikwembu, a wu fanelanga u endla leswi laviwaka hi Sathana. Sathana ni madimona va venga Yehovha. I valala va Xikwembu, naswona va lava leswaku na wena u va nala wa Xikwembu. U fanele u tihlawulela leswaku u lava ku tsakisa mani​—⁠Sathana kumbe Yehovha. Loko u lava vutomi lebyi nga heriki, u fanele u hlawula ku endla ku rhandza ka Xikwembu. Sathana u ni marhengu ni tindlela to tala to kanganyisa vanhu. Va tele ­vanhu lava kanganyisiwaka hi yena.​—⁠Nhlavutelo 12:⁠9.