Xihambano Xa Vukriste I Xa Le Mahlweni Ka Constantine Ke?

“MFUNGHO wa xihambano wu ve xifaniso xa ndhavuko lowukulu, lowu sweswi wu tivekaka kwalomu ka ndhavuko wihi na wihi. Nhlamuselo ya xona yi papalate vativi va ndhavuko, hambi leswi ku tirhisiwa ka xona eka vutshila bya swilahlo ku kombaka khwatsi ku tilwela eka vuhomboloki. Hi tlhelo rin’wana, crux ansata leyi dumeke ya Egipta, leyi vhumbiweke yi huma enon’wini, yi fanele ku kombetela eka vutomi kumbe ku hefemula. Ku tirhisiwa ka hinkwako-nkwako ka mfungho wa xihambano ku ku veka erivaleni ku kayivela lokukulu ka swihambano eka masalela ya Vakriste vo sungula, ngopfu-ngopfu nhlamuselo yihi na yihi leyi kongomeke eka xiendlakalo xa le Golgota. Vadyondzi vo tala sweswi va pfumela leswaku xihambano, tanihi nhlamuselo ya vutshila eka xiendlakalo xa nyanyuko, yi nga ka yi nga kumeki emahlweni ka nkarhi wa Constantine.”—Ante Pacem—Archaeological Evidence of Church Life Before Constantine (1985), hi Profesa Graydon F. Snyder, tluka 27.