LESWI HI SWI DYONDZAKA EBIBELENI

Hlawula Munhu Wo Cata Na Yena Hi Vutlhari

Hi vuphukuphuku Solomoni u tekane ni wansati loyi a a gandzela swikwembu swa mavunwa (1Th 11:1, 2; w18.07 18 ¶7)

Hakatsongotsongo vasati va Solomoni va hambukise mbilu yakwe yi va ekule na Yehovha (1Th 11:3-6; w19.01 15 ¶6)

Yehovha u n’wi hlundzukele swinene Solomoni (1Th 11:9, 10; w18.07 19 ¶9)

Swifaniso: Makwerhu wa xisati a ri karhi a dyondza Bibele ni ku ehleketa hi makwerhu wa xinuna. 1. Makwerhu wa xinuna a ri karhi a hlamula etinhlengeletanwini ta vandlha. 2. A ri karhi a chumayela. 3. A ri karhi a pfuneta ku khathalela Holo ya Mfumo.

Rito ra Xikwembu ri khutaza Vakreste lava nga si nghenelaka vukati leswaku va teka “eHosini ntsena.” (1Ko 7:39) Nilokoswiritano, ku khuvuriwa ntsena a swi endli munhu a va munghana wa vukati lonene. Xana munhu yoloye u ta ku pfuna u ya emahlweni u tirhela Yehovha hi mbilu hinkwabyo? Xana wa swi kombisa leswaku u n’wi rhandza swinene Yehovha? Rhanga u n’wi tiva kahle loyi u lavaka ku tekana na yena mi nga si cata.