Vukati I Vuxaka Bya Vutomi Hinkwabyo

Vukati bya Vakreste lebyi humelelaka byi dzunisa Yehovha naswona byi endla wanuna ni nsati wakwe va tsaka. (Mr 10:9) Leswaku Vakreste va tsaka evukatini va fanele va tirhisa Bibele loko va hlawula munhu loyi va lavaka ku tekana na yena.

Sungula ku rhandzana loko se “u kule ku ringana,” hikuva swi nga ha ku tikela ku endla swiboho swa vutlhari loko wa ha lawuriwa hi ku navela ku endla timhaka ta masangu. (1Ko 7:36) Tirhisa nkarhi wa wena hi vutlhari loko u nga se sungula ku rhandzana leswaku u tiyisa vuxaka bya wena ni Xikwembu ni ku hlakulela vumunhu bya Vukreste. U ta kota ku endla leswaku vukati bya wena byi va lebyinene loko se u catile.

Loko u nga se pfumela ku cata ni munhu wo karhi, tinyike nkarhi wo tiva “munhu wa le xihundleni wa mbilu.” (1Pe 3:4) Loko ku ri ni leswi ku kanakanisaka, bulani hi swona ni loyi u lavaka ku tekana na yena. Evukatini u fanele u dzika ngopfu eka leswi u nga ta swi nyika murhandziwa wa wena ku nga ri leswi u nga ta swi kuma. (Flp 2:3, 4) Loko u tirhisa misinya ya milawu ya Bibele u nga se cata, swi ta ku olovela ku endla tano loko se u catile naswona u ta va ni vukati lebyi tsakisaka.

HLALELANI VHIDIYO LEYI NGE, KU LUNGHISELELA VUKATI—XIYENGE 3: “KU HLAYELA NTSENGO” KUTANI MI HLAMULA SWIVUTISO LESWI LANDZELAKA:

• Vuxaka bya makwerhu wa xisati na Shane a byi ri njhani?

• I yini leswi a nga swi xiya loko a ya a n’wi tiva kahle?

• Vatswari vakwe va n’wi pfune njhani naswona hi vutlhari u teke xiboho xihi?