Nhlamuselo ya le hansi

a Hi ku ya hi dyondzo ya Khatoliki, xidyoho xi katsa nandzu ni tinxaka timbirhi to xupula—loku nga heriki ni ka xinkarhana. Nandzu ni ku xupula loku nga heriki ku suriwa hi ku tivula swidyoho. Ku xupula ka xinkarhana ku fanele ku hakeriwa evuton’wini lebyi hi mintirho leyinene ni mikhuva yo tivula swidyoho, kumbe evuton’wini lebyi taka endzilweni wa phagatori. Ntshunxeko i xiphemu kumbe hakelo leyi heleleke ya ku xupula ka xinkarhana hi ku tirhisa mapapila ya vumbhoni ya Kriste, Mariya, ni “tintsumi”, lava hlayisiweke “eVuhlayiselweni bya Kereke.” “Mintirho leyinene” leyi lavekaka ku kuma ntshunxeko yi nga katsa ku tivula swidyoho kumbe ku nyikela mali eka xivangelo xin’wana “lexinene.” Enkarhini lowu hundzeke, xisweswo mali a yi nyikiwa Valweri va nkutsulo ni ku aka tikereke, ni swibedlhele.