Nhlamuselo ya le hansi

a Vakreste van’wana lava tirhaka eswibedlhele va boheke ku anakanyisisa hi mhaka leyi ya vulawuri. Dokodela a nga ha va a ri la lawulaka ku xaviwa ka mirhi ya ku tshungula kumbe a lawula matshungulelo yo karhi eka muvabyi. Hambiloko muvabyi a nga ri na mhaka na swona, xana dokodela wa Mukreste la lawulaka, a nga lerisa njhani leswaku muvabyi a pomperiwa ngati kumbe a susa khwiri, a swi tiva kahle leswi Bibele yi swi vulaka etimhakeni to tano? Hilaha ku hambaneke, muongori la thoriweke exibedlhele swi nga endleka a nga ri na wona matimba yo tano ya ku lawula. Loko a ri karhi a endla ntirho wakwe lowu tolovelekeke, dokodela a nga ha n’wi lerisa leswaku a kambela ngati hikwalaho ka xikongomelo xo karhi kumbe a khathalela muvabyi la teke ku ta susa khwiri. Hi ku pfumelelana ni xikombiso lexi tsariweke eka 2 Tihosi 5:17-19, a nga ha endla xiboho xa leswaku tanihi leswi a nga riki yena loyi a nga ni matimba ya ku lerisa ku pomperiwa ka ngati kumbe ku susa khwiri, a nga ha pfuna muvabyi hi ntirho lowu endleriwaka vanhu. Kambe, wa ha fanele a yingisa ripfalo rakwe, leswaku ‘a ta tikhoma hi ripfalo leri tengeke emahlweni ka Xikwembu.’—Mintirho 23:1.