Xikombiso Lexinene—Lidiya

Hambileswi Lidiya a a ha ri mupfumeri lontshwa, u amukele Pawulo ni lava a a famba na vona hi malwandla. (Mintirho 16:14, 15) Hikwalaho ka sweswo u tiphinile hi ku tshama ni vadyondzisiwa lava. Endzhaku ko va Pawulo na Silasi va humesiwile ekhotsweni, xana va ye kwihi? Va tlhelele kona endlwini ya Lidiya!—Mintirho 16:40.

Ku fana na Lidiya, xana u nga teka goza ra ku tolovelana ni vanhu van’wana? Xana u nga swi endla njhani sweswo? Sungula katsongo-tsongo. Sungula hi ku bula ni munhu un’we ntsena. Tivekele pakani yo bula ni munhu un’we loko u ri enhlanganweni wa Vukreste. Ringeta ku n’wayitela. Loko u nga tivi leswaku u nga ku yini, vutisa swivutiso kumbe u n’wi byela swo karhi hi wena. Yingisa. Hi ku famba ka nkarhi u ta titwa u ntshunxekile ku bula. Hakanyingi vanhu va tsaka loko munhu a va byela marito yo karhi lamanene. (Swivuriso 16:24) Hikwalaho ka leswi Lidiya a a ri munhu lonene ni leswi a a rhandza ku amukela vanhu, u ve ni vanghana lavanene. Na wena u ta katekisiwa loko wo tekelela xikombiso xa yena!