U Nga Swi Kota Ku Chumayela U Tlhela U Dyondzisa!

Eku sunguleni Muxe a a kanakana leswaku u ta swi kota ku endla ntirho lowu Yehovha a a n’wi nyike wona. (Eks 4:10, 13) Xana u tshame u titwa tano? Xana u dyondza Bibele ni Timbhoni ta Yehovha? Xana wa ti vutisa loko u ta swi kota ku famba u chumayela hi yindlu ni yindlu? Kumbe u muntshwa naswona wa chava ku chumayela loko u ri exikolweni. Kumbexana u chava ku chumayela etindhawini ta mani na mani kumbe ku chumayela hi riqingho. Kombela Yehovha leswaku a ku nyika matimba hi ku tirhisa moya lowo kwetsima. (1Pe 4:11) Yehovha u ta ku pfuna leswaku u kota ku endla ntirho lowu a ku nyikeke wona.—Eks 4:11, 12.

HLALELANI VHIDIYO LEYI NGE, VANA . . . MUHUWELERI LA NGA NI XIVINDZI KUTANI MI HLAMULA SWIVUTISO LESWI LANDZELAKA:

• Hi yihi mintlhontlho leyi Makwerhu Aoyama a a ri na yona?

• I yini leswi n’wi pfuneke leswaku a va ni matimba ni xivindzi?—Yr 20:7-9

• U vuyeriwe hi yini loko a endla leswi engetelekeke entirhweni wa Yehovha?

• Hi yihi mintlhontlho leyi u nga vaka na yona ensin’wini leyi Yehovha a nga ku pfunaka leswaku u yi hlula?