na yindlu, vahuweleri va Mfumo va humelela swinene eku nyikeleni ka vumbhoni exitarateni. Va tlhela va vonana ni vanhu emintirhweni ya vona hi ku endzela lava tirhaka etihofisini, vini va switolo, varimi ni vanhu lava vuyaka hi le maendzweni yo ya phasa tihlampfi eLwandle ra le Dzongeni wa China.

Swa fanela ku vula leswaku “ntshovelo i wukulu, kambe vatirhi a va talanga” le Hong Kong. (Matewu 9:37) Sweswi, ku na ndzinganyeto wa Mbhoni yin’we eka vaaki va 2 300. Hi ku vona xihatla xa ntirho wo tshovela, vanhu vo lava ku va 600 eka vahuweleri va Mfumo va 2 600 i maphayona kumbe vachumayeri va nkarhi hinkwawo va mahungu lamanene. Timbhoni ta Yehovha le Hong Kong, ku fana ni ta matiko man’wana, ta swi xiya leswaku ‘mikateko ya Yehovha yi endla munhu a fuwa.’ (Swivuriso 10:22) Hikwalaho, ti tirha hi matimba leswaku ti pfuna vanhu vo tala va tiko rero leri fuweke leswaku va kuma rifuwo ra ntiyiso.

Xana U Landzela Yehovha Hi Laha Ku Heleleke?

“LO’WO lulama o ṭakile kukota šinghalana.” (Swivuriso 28:1) Va kombisa ripfumelo, hi ku tiyiseka va titshega hi Rito ra Xikwembu, naswona va ya emahlweni ni ntirho wa Yehovha hi vurhena, ku nga khathariseki khombo leri va nga ha langutanaka na rona.

Loko Vaisrayele va ri le Sinayi endzhaku ka loko Xikwembu xi va humese le vukhumbini bya Egipta hi lembe xidzana ra vu-16 B.C.E., i vavanuna