Ku Hlula Ntshikilelo Lowu Khomaka Vantshwa

SWICHUDENI leswi endlaka khoso ya Xinghezi le Mexico swi komberiwe ku tsala mhaka leyi vulavulaka hi nhloko-mhaka leyi va nga tihlawulela yona. Maritza wa hlamusela: “A ndzi ri ni ntshikilelo naswona swihloko leswi nge ‘Ku Pfuna Vantshwa Lava Nga Ni Ntshikilelo’ leswi nga eka Xalamuka! ya September 8, 2001, swi ndzi pfunile. Hikwalaho ndzi tirhise rungula leri nga eka magazini wolowo, kutani ku vuriwe leswaku mhaka ya mina a yi ri ya xiyimo xa le henhla swinene. Endzhaku ka sweswo, ndzi nyike swichudeni ni vadyondzisi kopi ya swihloko sweswo.”

Endzhaku ka malembe mambirhi loko Maritza a ri ensin’wini u endzele xichudeni xin’wana lexi na xona a xi endla khoso yoleyo ya Xinghezi. Lexi hlamariseke Maritza hileswaku xichudeni xexo xi n’wi kombe kopi ya swihloko leswi nga eka Xalamuka! leswi vulavulaka hi ntshikilelo wa vantshwa. Swi tikomba onge mudyondzisi loyi u xi teka xi ri xa nkoka swinene lerova u nyike xichudeni xin’wana ni xin’wana xa yena kopi!

Rungula leri engetelekeke leri vulavulaka hi ntshikilelo wa vantshwa ri nga kumiwa ebukwini leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka. Yi na tinhloko-mhaka to tanihi leti nge “Hikwalaho Ka Yini Ndzi Nga Tirhandzi?,” “Ha Yini Ndzi Va Ni Gome Lerikulu?” ni leyi nge “Ndzi Nga Xi Susa Njhani Xivundza Xa Mina?” U nga ha kombela kopi hi ku tata xiphephana lexi nga laha hansi kutani u xi rhumela eka adirese leyi kombisiweke eka xona kumbe eka adirese leyi faneleke eka leti longoloxiweke eka tluka 5 ra magazini lowu.

□ Handle ka ku tiboha, ndzi kombela mi ndzi tisela buku leyi kombisiweke laha.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.