Timbhoni Ta Yehovha Ti Yi Dyondzisa Njhani Bibele?

Ti dyondzisa hi ku tlhuvutsa nhloko-mhaka, hi ntolovelo ti tirhisa buku leyi nge Xana Bibele Yi Dyondzisa Yini Hakunene? Tinhloko-mhaka ta yona ta 19 ti katsa leti landzelaka:

“Hi Yihi Dyondzo Leyi Nga Ntiyiso Malunghana Ni Xikwembu?”

“Yesu Kreste I Mani?”

“Lava Feke Va Kwihi?”

“Xana Hi Hanya ‘eMasikwini Yo Hetelela’?”

“Ha Yini Xikwembu Xi Pfumelela Leswaku Ku Va Ni Ku Xaniseka?”

“Ndlela Yo Va Ni Ndyangu Lowu Tsakeke”

Swichudeni swi khutaziwa ku vutisa swivutiso ni ku tikumela tinhlamulo hi swoxe eBibeleni. Endzhaku swi nga tihlawulela vukhongeri lebyi swi lavaka ku byi landzela hi ku ya hi leswi swi swi dyondzeke eBibeleni.

U nga ha kombela dyondzo ya Bibele swin’we ni buku leyi, hi ku tata xiphephana lexi nga laha hansi kutani u xi rhumela eka adirese leyi kombisiweke eka xona kumbe eka leyi faneleke eka leti nga eka tluka 5 ra magazini lowu.

□ Ndzi kombela mi ndzi rhumela buku leyi kombisiweke laha.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.