Mintirho Ya Timbhoni Ta Yehovha Ya Manguva Lawa

Nicaragua

Tiko leri, leri tsakisaka, ri vumbeke hi tindlela to hambana-hambana naswona ri ni vanhu va tinxaka to hambana-hambana. Kambe lexi vavisaka, tiko ra Nicaragua ri hlaseriwe hi timhangu, ta ntumbuluko ni leti vangiweke hi vanhu. Hambiswiritano, timhangu leti a ti va sivelanga vanhu va magidi-gidi leswaku va amukela mahungu lamanene ya Mfumo wa Xikwembu. Languta ndlela leyi ha yona mikateko ya Yehovha leyi fuweke yi endleke leswaku mihandzu ya moya yi andza etikweni leri, leri hisaka, leri nga ni mativa, milambu ni tintshava.

Swihlala Swa Philippine

Anakanya hi ntlhontlho wo chumayela mahungu lamanene eswihlaleni leswi tlulaka 7 000, leswi swo tala swa swona swi nga fambekiki hikwalaho ka makhwati ni tintshava! Ku engetela kwalaho, swihuhuri, tindhambhi, ku tsekatseka ka misava ni tivholkheno swi lo vuya. Hlaya, u vona ndlela leyi vugandzeri lebyi tengeke, byi andzeke ha yona eswihlaleni swa Philippine, ku nga khathariseki swihinga leswi.