Ndzimana Ya Lembe Ya 2013

Hi 1473 B.C.E., Vaisrayele a va lunghekile ku nghena eTikweni leri Tshembisiweke, kambe valala lava nga ni matimba va va siverile. Xikwembu xi byele Yoxuwa xi ku: “Vana ni xivindzi, u tiya.” Loko a yingisa milawu ya Xikwembu, Yoxuwa a a ta humelela exiavelweni xakwe. U byeriwe marito lama nge: “U nga rhurhumeli kumbe u chava, hikuva Yehovha Xikwembu xa wena u na wena kun’wana ni kun’wana laha u yaka kona.” Kutani Xikwembu xi ve na yena hikuva Vaisrayele va hlule valala va vona hi malembe ya tsevu ntsena.—Yox. 1:7-9.

Vakreste va ntiyiso va le kusuhi ni ku nghena emisaveni leyintshwa leyi tshembisiweke kutani va fanele va va ni xivindzi va tlhela va tiya. Ku fana na Yoxuwa, hi hlangavetana ni valala lava nga ni matimba lava ringetaka ku onha vutshembeki bya hina. Tinyimpi leti hi ti lwaka a ti lwiwi hi mafumu ni masavula, kambe hi matlhari yo fanekisela naswona Yehovha u hi letela leswaku hi kota ku ma tirhisa hi vutlhari. Ku nga khathariseki xiyimo lexi u hlangavetanaka na xona, tiyiseka leswaku loko u ri ni xivindzi, u tiyile u tlhela u tshembeka, Yehovha u ta va na wena leswaku u kota ku hlula.