A nzima leyi yi ta tiyisa lezaku Jehova i Hosi xontlhe xikhati yi tlhela yi komba lezi a tirisisako zona a wuhosi gakwe ka zivangwa zakwe za le tilweni ni za laha misaveni. Yi ta tlhela yi hi kuca a ku lanzela zikombiso za xikhatini xa kale za lava va nga hlawula ku khozela Jehova, a Hosi ya pinzukelwa.

▪ 100 wa malembe na Mufumo wu kari wu fuma — Zi ku khumbisa kuyini ke?

A nzima leyi yi ta engetela a lisima leli hi nyikako lezi a Mufumo wa wuMessia wu zi mahileko ka 100 wa malembe lawa wu nga nawo na wu fuma. Ahandle ka lezo, yi ta kuca munwe ni munwani wa hina lezaku ava mufumelwi wo tsumbeka wa Mufumo lowu, yi tlhela yi hlanganyeta a maalakanyo ya hina lezaku hi ehleketa hi tlhamuselo wa mutsalo wa hina wa lembe ga 2014.

▪ Maha ziboho za wutlhari na wa ha hi muswa

▪ Tirela Jehova na ma nga se chikela a masiku ya zikarato

Nzi ta maha yini hi wutomi ga mina? Lexo xiwutiso xa lisima ka munwe ni munwani loyi a ti hendleletileko ka Jehova. Ka tinzima leti, hi ta gonza hi matshinya ya milayo lawa ma nga rangelako a vaswa va maKristu lezaku va tirela Jehova hi laha va zi kotako. Hi ta wulawula kambe hi nyangwa leyi yi vululekeleko a maKristu ma kulileko lezaku ma anzisa wutireli gabye.

▪ “A wute mufumo wa wena” — Kanilezi wu tata rini?

Inyamutlha, a vanhu vo tala va djudjiwa kupima hi matshamela ya tiko kutani hi kota ya lezi va ti karatelako ku zi kuma wutomini gabye. A nzima leyi yi vuxeta a zikombiso zinharu lezi zi vunako maKristu a ku tsumba lezaku lokuloku a Mufumo wa Nungungulu wu ta lovisa a tiko legi ga kubiha.

TINZIMA TINWANI

3 Va lo ti hendleleta hi kuziranza — Matikweni ya Mupela-gambo wa Afrika

32 Lezi nzi nga zi hlawula na nza ha hi nwanana

KAPA: Ku nyika wukustumunyu ka zigonzani za universidade zi tako hi matiko-wundle doropeni ga Lviv

UCRÂNIA

VAHANYI VA TIKO

45.561.000

VAHUWELELI

150.887

1.737 wa mabandla ni 373 wa mitlawa hi 15 wa tirimi, a ku patsa ni xiHúngaro, xiRomeno, xiRússia, Lirimi la Mawoko la Rússia, ni xiUcrânia