Longoloko Wa Mutlhangano Wa Ntiro
Viki Gi Sangulako Hi 9 Ka Junho
10 men: Zitiviso za bandla. Hi ku tirisa a mawonela ma kombisiwako ka phajina 4 kutani mikombiso yinwani yi fanelako xipanze xa nwina, kombisa lezi gi nga nyikeliswako zona A Sentinela ga 1 ka Junho ni Despertai! ga Junho.
20 men: Ndlela Yo Ti Longisela Ku Fambisa A Xigonzo Xa Biblia. Kanelo wu seketelwako ka Nosso Ministério do Reino ga Agosto wa 2004, phajina 1. Kugumeseni ka kanelo, ngha ku mahiwa a mukombiso wa muhuweleli a zamako ku ti longisela hi kutsutsuma lezaku a fambisa a xigonzo xa Biblia. Hi kulanzela, ngha kuva ni muhuweleli munwani loyi a ti longiselako khwatsi, na a wona lezi a nga ma tirisisako zona a mawonela yo kari ma kombisiwako lomu ka Wutireli Ga Hina Ga Mufumo.
15 men: “U Nga Tsiki A Ku Xumayela.”a Kombela lava va nga kona lezaku va tlhamusela a mitsalo yi kumbukilweko, hi laha a xikhati xi vumelelako hi kona.
Lisimu 201
Viki Gi Sangulako Hi 16 Ka Junho
10 men: Zitiviso za bandla. Zitiviso zi hlawulilweko ka Wutireli Ga Hina Ga Mufumo. Alakanyisa lava va nga kona lezaku vata ni A Sentinela ga 1 ka Julho zinwe ni Despertai! ga Julho ka Mutlhangano wa Ntiro wa viki gi tako va tlhela va ti longisela kasi ku tlhamusela a zingheniso zi fanelako lezi va lavako ku zi tirisa.
15 men: Dlunyatisa A Lisima La Mahungu Yo Saseka. Kanelo ni kubhulisana ni lava va nga kona wu seketelwako ka bhuku Escola do Ministério, phajina 159. Kombela lava va nga kona lezaku va wula a timhaka leti ti karatako vanhu va lomu xipanzeni xa nwina ka masiku lawa. Va kombele lezaku va nyika a mawonela ya lezi hi nga zi patsisako zona a zikarato lezo lomu ka zingheniso za hina.
20 men: “A Ngango Wa Wena Wa Ti Longisela A Ku Poniswa Ke?”b Kombela lava va nga kona lezaku va tlhamusela a mitsalo yi kumbukilweko, hi laha a xikhati xi vumelelako hi kona.
Viki Gi Sangulako Hi 23 Ka Junho
10 men: Zitiviso za bandla. Lera a mubiko wa timali ni magezu ya kubonga a minyikelo. Wula a mabhuku lawa ma to nyikelwa hi Julho, niku ngha ku mahiwa a mukombiso munwe.
20 men: Wutomi Go Tala Hi Makatekwa Hi Kota Ya Wuphayona Ga Xikhati Xontlhe. Kanelo wu seketelwako ka A Sentinela ga 15 ka Janeiro wa 2008, maphajina 17-19. Loku ma hi kona, bhulisana ni maphayona mambiri ya xikhati xontlhe, ginwe ga ha hiko giswa ni ginwani gi nga ni malembe yo tala na gi tira kota phayona. Ngha va hlawutela a makatekwa lawa va ma kumako wutomini gabye hi kota ya lezi va ngheneleko a ntiro lowu wa lisima.
15 men: Ti Longisele Lezaku U Nyikela A Marevista Lawa Ma Ha Hi Ku Chikelako. Kubhulisana ni vaingiseli. Anzhako ka ku songa hi kukomisa lezi zi nga nzeni ka A Sentinela ga 1 ka Julho ni Despertai! ga Julho, kombela lava va nga kona lezaku va komba a tinzima leti ti nga ha tsakisako vanhu lomu xipanzeni xa nwina va tlhela va wula a ku hikuyini. Kombela lava va nga kona lezaku va wula a timhaka to kari ti nga nzeni ka tinzima leto, leti va lavako ku maha xingheniso ha tona. Hi xihi a xiwutiso lexi xi nga tirisiwako kasi ku sangula bhulo? Hi wihi mutsalo nzeni ka nzima leyo lowu wu nga ha gonziwako anzhako ka xiwutiso? Hi ku tirisa a zingheniso za xikombiso lezi zi nga ka Wutireli Ga Hina Ga Mufumo kutani xingheniso xo kari xi ta nga nyikiwa hi lava va nga kona, maha a mukombiso wa lezi a ginwe ni ginwani ga marevista lawo gi nga nyikeliswako zona.
Viki Gi Sangulako Hi 30 Ka Junho
10 men: Zitiviso za bandla. Alakanyisa vontlhe lezaku va neha a mibiko yabye ya ntiro wa simu ya Junho.
20 men: Ndlela Yo Chukwatisa A Wuzikoti Ga Hina Ga Kubhulisana Ni Vanwani. Kanelo ni kubhulisana ni lava va nga kona wu seketelwako ka bhuku Escola do Ministério, kusukela ka phajina 62, nzimana 4, kala magumo ka phajina 64. Komba lezi a mahungu lawa ma nga tirisiswako zona lomu xipanzeni xa nwina. Hi kukomisa, bhulisana ni muhuweleli loyi a tiviwako hi wuzikoti gakwe go maha vanhu va tsakela ku bhulisana naye loku a hi wutirelini ga muti-ni-muti kutani loku a xumayela hi xitshuketi.
15 men: Xana Wa Ha Zi Alakanya? Kubhulisana ni lava va nga kona ku seketelwako ka A Sentinela ga 15 ka Abril wa 2008, phajina 29.
Lisimu 179
Viki Gi Sangulako Hi 7 Ka Julho
10 men: Zitiviso za bandla.
15 men: Vuxeta a “Zikhumbuxeto Za Gotsovanyano Wa Muganga,” lezi zi kumekako ka Wutireli Ga Hina Ga Mufumo ga Abril wa 2008, phajina 4, kota ndlela yo ti longisela ka Gotsovanyano wa Muganga lowu wu tshinelako.
20 men: “Loku A Nwinyi Wa Muti A Wulawula Lirimi Linwani.”c Wu fanele ku vekiwa hi muwoneleli wa ntiro. A xikhati lexi u kambisisako a nzimana 2, tivisa a bandla xungetano hi tirimi to hambanahambana kutani mabandla lawa ma xumayelako ka xipanze xinwe ni bandla ga nwina. Wula a malulamiselo lawa ma mahilweko kasi ku vuna a mitlawa ya tirimi kutani mabandla lawa ma patsekako lezaku ma tirisana khwatsi lomu ntirweni wo xumayela.
Lisimu 188
[Mitlhamuselo ya lahasi]
a Ngha a mitlhamuselo ya xingheniso yi nga chikeli ka meneti, ku tlhela ku lanzela a kubhulisana ka ziwutiso ni mihlamulo.
b Ngha a mitlhamuselo ya xingheniso yi nga chikeli ka meneti, ku tlhela ku lanzela a kubhulisana ka ziwutiso ni mihlamulo.
c Ngha a mitlhamuselo ya xingheniso yi nga chikeli ka meneti, ku tlhela ku lanzela a kubhulisana ka ziwutiso ni mihlamulo.