Zitiviso

◼ Mabhuku ma to nyikelwa hi Dezembro: Bhuku Ga Mina Ga Mahungu Ya Biblia. Janeiro wa 2009: Zini Lezi A Biblia Gi Zi Gonzisako Hakunene? Loku ku hi lezaku a venyi va miti va sina va hi nago, a vahuweleli va nga ha nyikela a bhuku gihi ni gihi ga kale gi nga ni 192 wa maphajina kutani gihi ni gihi gi humesilweko mahlweni ka 1992. Fevereiro: Khozela Nungungulu Munwe Wa Zinene kutani Xihundla Xa Litsako Ngangweni. Março: Zini Lezi A Biblia Gi Zi Gonzisako Hakunene? Ti karateleni ku sangula a zigonzo za Biblia. Abril ni Maio: Marevista A Sentinela ni Despertai! A xikhati lexi mu enzelako lava va kombisileko kutsakela, a ku patsa ni lava va nga tile ka Xialakanyiso kutani ka mitlhangano yinwani ya bandla kanilezi va kalako ku ti tlhanganyisa nguvu ni bandla, ti karateleni a ku va nyika a bhuku Zini Lezi A Biblia Gi Zi Gonzisako Hakunene? A kungo ga maenzo lawo gi fanele kuva ku sangula a xigonzo xa Biblia hi bhuku lego.

◼ Mahani wuxinji mu tirisa khwatsi a maformulario ya bandla. A ku maha maformulario lawo i ntiro wo binza niku zi lava mali. Ku nga ha laveka ku alakanyisa a vo kari lezaku a maformulario ya bandla a ma faneli ku tiriselwa ku tsala zilo zi nga yelaniko ni ntiro wa wona. A mabandla yo kari ma kumekisa a maphepha kasi a vamakabye va ma tirisela ku tsalatsala zilo lezaku a maformulario ma tira a ntiro wa wona. A ku luzisa maformulario handle ka xilaveko ku nga potsiwa loku a vamakabye va vinya a zihoxo zitsongwani wutshanwini ga ku hoxa a formulario gontlhe. Hambulezo, ku fanele ku cheliwa nguvu kota lezaku a mahungu lawa ma hlayiswako lomu wuhlayiselweni ga mahungu ya bandla kutani lawa ma rumelwako ka ravi ma lereka khwatsi. A xikhati lexi mu vekako a maformulario, tiyisekani lezaku a ma kona ma nga fihliwa hi manwani ya sayize yo fana.

◼ Kusukela 1 ka Janeiro wa 2009, a gezu “muwoneleli loyi a rangelako bandla” gi nga ta ha tiriswa kambe. Loyi a nga ni xiavelo lexi makunu i ta vitanwa “mutlhanganyisi wa hubye ya madota.”

◼ A ma Melodias do Reino — MP3 ku wuliwa disko ginwe ga MP3 gi patsako tivolume tontlhe ta madisko Melodias do Reino. A madisko lawa ma nga ta ha kumeka kambe lezaku ma kombelwa ka hlengeletano hi wudisko. Wutshanwini ga lezo, ma ta kumiwa ntsena hi ku ma kopiyara ka Web site www.pr2711.com. Hambu lezi a hlengeletano yi hakhelako a mali yo kari a khati ni khati ku kopiyariwako, a mahela legi a gi duri nguvu a ku fana ni ku maha zinwe ni ku rumela a madisko.

◼ Mabhuku Ya Maswa Lawa Ma Nga Kona:

Os Jovens Perguntam  —  Respostas Práticas, Volume 2 — Chichewa.

Mahani wuxinji mu maha zikombelo za nwina hi ku tirisa a formulario Pedidos de Publicações (S-14)

Xana Wa Zi Lava Ku Tiva A Zinene? (kt) —  Chichewa, Xichina (Xi Hehukisilweko), Xichuabo, Xifrança, Xilomwe, Ximacua, Xindau, Xingiza, Xiputukezi, Xisena, Xishona, Xiswahili, Xitshwa ni Xitsonga.

[Magezu yo koka kupima ka phajina 6]

(Yi simama ka p. 7, kol. 1)

[Magezu yo koka kupima ka phajina 7]

Zitiviso (Yiya mahlweni)