Kuvuxeta Ka Xikola Xa Wutireli Ga Nungungulu
A ziwutiso lezi zi lanzelako zi ta kambisiswa ka Xikola Xa Wutireli Ga Nungungulu ka viki gi sangulako hi 29 ka Dezembro wa 2008. Hi 20 wa timeneti, a muwoneleli wa xikola i ta fambisa a kuvuxeta ku seketelwako ka timhaka ti gonzilweko ka ziavelo za maviki ya 3 ka Novembro kala 29 ka Dezembro wa 2008.
MATSHAMELA YA WUKANELI
1. Hikuyini a ku luleka ‘hi liranzo’ ku nehako wuyelo gi nene? (Filem. 9, Tradução do Novo Mundo) [be p. 266 tinz. 1-3] A ndlela ya lisima ya ku maha vanwani va tiya hlana ku va kuca a ku alakanya lezi Jehova a vunisileko zona a vanhu vakwe zikaratweni zikhatini za kutsaliwa ka Biblia. (Rom. 15:4) Ha zi kota kambe a ku maha vanwani va tiya hlana hi ku va vuna a ku alakanya lezi Jehova a va mahelako vona wutsumbu.
2. Xana hi nga va kucisa kuyini vanwani lezaku va tiya hlana? [be p. 268 nzi. 4–p. 269 nzi. 2] A ndlela ya lisima ya ku maha vanwani va tiya hlana ku va kuca a ku alakanya lezi Jehova a vunisileko zona a vanhu vakwe zikaratweni zikhatini za kutsaliwa ka Biblia. (Rom. 15:4) Ha zi kota kambe a ku maha vanwani va tiya hlana hi ku va vuna a ku alakanya lezi Jehova a va mahelako vona wutsumbu.
XIAVELO N.° 1
3. Xana a papilo ga Paule ka Titusi, ‘gi nene, na gi vuna’ ka hina hi ndlela muni inyamutlha? (Titusi 3:8) [bsi08-2 p. 11 nzi. 8] A maKristu lawa ma nga ranzelwe hi vanhu vo biha le Kreta ma lo lulekwa lezaku ma “pinyamela a mitiro yo saseka.” (Titusi 3:8) A kuva Paule a solile kubiha loku ku nga mahiwa le Kreta xitlharihiso ka hina inyamutlha. Hi fanele “ku tsika lezi zi nga lulamangiko ni kunavela ka misava, hi hanya ka nguva leyi hi kutikhoma ni kululama hi chava Nungungulu.” (Titusi 2:12)
4. Hikuyini a papilo go ranga ga Pedro gi tsalilweko hi xikhati xi faneleko? [bsi08-2 p. 19 nzi. 1] Ku wa wulawuliwa za hava hi maKristu hakuva ma wa nga khozeli a hosi kutani ku hlengela ka mikhuwo ya wukhongeli ga mawunwa. A papilo go ranga ga mupostoli Pedro gi kucile a maKristu lezaku ma yima ma tiya hasi ka minzhingo leyo, gi tlhela gi nyika wurangeli xungetano hi lezi ma nga fanele ku hanyisa zona mahlweni ka Nero, a nga hi Kesari wa xikhati lexo. A mahungu ya gona ma chikele hi xikhati xi faneleko hi kota ya tixanisa leti ti nga kongoma vona hi 64 Nguveni ya Hina.
5. Xana a mifananiso yi nga lomu ka bhuku ga Kuvululelwa yi fanele ku hi khumbisa kuyini? [bsi08-2 p. 29 nzi. 1] Hambu lezi a kutatiseka ka mifananiso yi nga lomu ka bhuku ga Kuvululelwa ku nga ha chavisako nguvu a vakubiha, a vanhu va Nungungulu va khumbiwa hi ndlela yo hambana nguvu na vona. Ha vumelelana ni magezu yo sangula ya bhuku legi, lawa ma nge: “I katekile loyi a gonzako a xiprofeto lexi, ni lava va zwako a timhaka ta xona.” (Kuv. 1:3)
KUGONZA KA BIBLIA KA VIKI NI VIKI
6. Xi ngava xini xi mahileko Paule a zwananisa a ‘ku nga hi na mahlevo’ ni ‘ku nga ti nyikeli kunweni ka byala’ lomu ka Titusi 2:3? [w94 15/6 p. 20 nzi. 12] Za olova lezaku a kukhatala hi vanwani ku onheka ku sala mahlevo, nguvunguvu loku a lirimi li oloviswa hi byala. (Mav. 23:33) Hakunene, vontlhe lava va ti karatelako ku lanzela a ndlela yi nene ya wutomi, vavanuna ni vavasati, va maha khwatsi hi ku ti wonela ka ntlhamu lowu.
7. Xana a kuva Satani a hi ni “ntamu wa kufa” zi komba ku wa zi kota ku daya munhu wihi ni wihi loyi a mu lavako na xi nga se chikela a xikhati? (Maheb. 2:14) [w08 15/10 “A Palavra de Jeová É Viva — Destaques das cartas a Tito, Filêmon e aos Hebreus”] Ahihi. Hambulezo, kusukela kusanguleni ka mahanyela yo biha ya Satani le Edeni, a mawunwa yakwe ma kari ma vanga kufa hakuva Adamu i onhile a tlhela a hunzisa a xionho xakwe ka ngango wontlhe wa vanhu. (Rom. 5:12) Hi kuengetela, a malanza ya Satani ya laha misaveni ma xanisa a malanza ya Nungungulu ma kala ma ma daya, a ku fana ni lezi ma nga maha ka Jesu. Kanilezi lezo a zi wuli ku Satani i na ni ntamu wo kala wu nga mbheli wa ku daya wihi ni wihi a mu lavako. Loku ku wahi lezo, handle ko kanakana na a va fuvisile kale a vakhozeli va Jehova. Jehova wa vikela a vanhu vakwe kota ntlawa niku a nga vumeleli Satani lezaku a va fuvisa. Hambu loku a vumelela lezaku a vanwani va hina vafa hasi ka kuvukela ka Satani, ha tsumba lezaku Nungungulu i ta mbheta a mhango yihi ni yihi leyi hi mahelwako yona.
8. Himani ‘a munhu wa nyama a nga mumahi wa xivumelwano’ xiswa? (Maheb. 9:16, NM) [w08 15/10 “A Palavra de Jeová É Viva — Destaques das cartas a Tito, Filêmon e aos Hebreus”] Jehova hi yena Mumahi wa xivumelwano xiswa, Jesu hi yena ‘a munhu wa nyama a nga mumahi wa xivumelwano xiswa.’ Jesu Mutlhanganyisi wa xivumelwano, niku hi kufa kakwe i lulamisele a muphahlo wu nga laveka kasi ku tiyisa a xivumelwano lexo. (Luka 22:20; Maheb. 9:15)
9. Zi wula yini a kuva munhu wo rula, niku ziwutiso muni lezi hi faneleko ku ti wutisa mhakeni leyi? (Jak. 3:17) [w08 15/3 p. 24 nzi. 18] A kuva munhu wo rula zi wula a ku potsa tihanyi, moya wa timholova, kutani zimaho lezi zi onhako kurula. A munwe ni munwani wa hina i maha khwatsi hi ku ti wutisa aku: ‘Xana lomu bandleni nzi tiviwa kota mumahi wa kurula kutani kota muhohloti wa kurula? Xana nzi tshama hi ku holovisana kutani ku nga zwani ni vanwani, nzi hatlisa ku khunguvanyeka hambu ku khunguvanyisa vanwani? Xana nzi tiviwa kota munhu a ti karatelako ku vuvumisa kurula, na nzi hi loyi a hatlisako ku tsetselela ni ku rivala a zihoxo za vanwani?
10. Ma wula yini a magezu lawa: “Nungungulu wa hombe ku hunza timbilu ta hina”? (1 Joh. 3:20) [w05 1/8 p. 30 nzi. 19] Ka zikhati zo kari, za koteka ku a mbilu ya hina yi hi kona, nguvunguvu loku hi alakanyela a kungambheleli kutani zihoxo za hina. Za koteka kambe lezaku hi kota ya mudawuko wa hina, hi byekelela ku alakanyela nguvu zilo zo biha ha hina wutsumbu, a ku khwatsi hi loku ku nga hi na nchumu hi nga wu mahako wo tsakisa Jehova. Nungungulu a nga veki nguvu kupima ka zihoxo za hina kanilezi i wona a wuzikoti ga hina ga lisine. Jehova kambe wa zi tiva a zigelo za hina ni makungo ya hina. Yena i hi tiva za chukwana a ku hunza lezi hi ti tivisako zona hina wutsumbu.