Tirisa ‘cinyikiwo ca wena ca moya’

Hontlheni ha ku nyika nguvhu lisima a kutiyisana loku hi ti buzako hi kona loku hi hi zvin’we ni vamakabye va hina. Kanilezvi a kutiyisana loko a ku nyimi laha ka ku hi mbheta cikhati navo. A Bhibhiliya gi wula lezvaku a wutlhari legi hi nga nago ga ku tiyisana kukholwa “cinyikiwo ca moya”. (Rom. 1:11, 12) Hi nga ci tirisisa kuyini cinyikiwo leco hi kumbhelela?

Tiyisa van’wani hi magezu ma hlawulilweko khwatsi. Hi cikombiso, hi nga hlamula mitlhanganweni na hi nga veki kupima ka hina venyi kanilezvi hi ku veka ka Jehovha, ni ka Mhaka yakwe, ni ka vanhu vakwe. Laha hi bhulako ni vakhozeli-kulori hi nga hlawula ku bhula hi zvilo zvo aka.

Tiyisa van’wani hi zviboho zva wena ni lezvi u mahako. Hi cikombiso, a vokari va hlawula ku simama ntirweni wa cikhati contlhe hambu lezvi va kumanako ni zvikarato zva vona wutsumbu. A vokari a va lovhi mutlhanganweni wa cikari ka vhiki hambu lezvi va chayisako ntirweni na vaya hi ku ti koka hi ku karala kutani va nga ni mababyi yo kala ma nga hundzi.

Xana a magezu ya wena ya kukholwa ma tiyisa vamakabye? Wa veka kupima ka lezvi a vamakabye va wulako ni ku maha kasi ku ku tiyisawu?