“Lezvi Nungungulu a zvi tlhanganyisileko . . . ”

A Nayo wa Mosi wu wa laya lezvaku loku a wanuna a lava ku tlhatlha wukati i wa fanele ku tsala papilo ga nayo ga kuhambana. Lezvo zvi wa mahela ku vhalela vanhu lezvaku va nga tsutsumeli ku tlhatlha wukati. Hambulezvo, masikwini ya Jesu, a varangeli va wukhongeli va wa mahile lezvaku zvi nga karati ku tlhatlha wukati. A vavanuna va wa tlhatlha wukati ni vasati vabye hi zvigelo zvo kala ku nyawula. (“papilo ga ku hambana” tlhamuselo wa nwtsty ka Mt 19:7; “loyi a hlongolako sati wakwe,” “loyi a hlongolako sati wakwe, a teka munwani, wa bhaya” mitlhamuselo ya nwtsty ka Mr 10:11) Jesu i kombile lezvaku a wukati gi vangilwe hi Jehovha. (Mr 10:2-12) A nuna ni sati va wa tava “nyama yin’we” kala kupindzuka. Hi kuya hi lezvi zvi nga tsaliwa hi Matewu, a ‘wubhayi’ hi cona cigelo cin’we basi ci vhumelelako ku tlhatlha wukati. — Mt 19:9.

Inyamutlha a vanhu vo tala a va woni wukati kota lezvi Jesu a nga gi wonisa zvona, kanilezvi va gi wona kota lezvi a vaFarisi va nga gi wonisa zvona. Loku ku humelela zvikarato, a vanhu va tiko va tsutsumela ku tlhatlha wukati. Kanilezvi a maKristu ma chadhileko ma wona cihlambanyo cabye ca wukati na ci nga hi nchumu wo hlakana, ma tlhela ma ti karatela ku hlula zvikarato hi ku hanya hi matshinya ya milayo ya Bhibhiliya. Andzhako ka ku wona vhidhyu A lirandzo ni cichavo zvi zwananisa mingango, hlamula zviwutiso lezvi:

• 

  U nga gi tirisisa kuyini a bhuku ga Mavingu 15:1 wukatini ga wena, niku hikuyini a ku maha lezvo zvi nga zva lisima?

• A ku tirisa Mavingu 19:11 zvi nga ku vhunisa kuyini ku potsa zvikarato?

• Loku a wukati ga wena gi hi mhangweni, wutshan’wini ga ku alakanya ku ‘i chukwana ndzi tlhatlha wukati’, zviwutiso muni u faneleko ku ti maha?

• A ku tirisa Matewu 7:12 zvi nga ku vhunisa kuyini kuva nuna kutani sati wa mu nene?