26 Nkama Sawulo a nga fika ka tlhelo la ntshava, Davhida ni vanhu va yena a va li ka tlhelo lelin’wani la ntshava yoleyo. Davhida a zama ku baleka+ Sawulo hi ku hantlisa kambe Sawulo ni vanhu va yena va ya va tshinela hintamu ka Davhida ni vanhu va yena swaku va va khoma.+ 27 Se ku fika munhu a byela Sawulo a ku: “Hantlisa u vuya hikusa Vafilista va hlasela tiko!” 28 Sawulo a vhela a tshika ku hlongolisa Davhida,+ a ya lwa ni Vafilista. Hi leswo swi nga yendla swaku ndhawu yoleyo yi chuliwa swaku i Ribye la Ku Hambanisa.

21 A nkama vatirhi va Absalomu va nga famba, Ayimazi na Yonatani va sale va huma ka xihlovo va ya ka Hosi Davhida. Va fike va mu byela va ku: “Suka hi ku hantlisa u tlulela nambu, va gama va mu byela leswi Ayitofeli a nga swi hlaya.”+ 22 Kutani Hosi Davhida ni vanhu lava a a li na vona va hantlisa va tlulela Nambu wa Yordani. A nkama li nga xa, hinkwavu se a va tlulelile.