Xibukwana xa Mintlhanganu — 2025 | Julho

28 KA JULHO KU YA KA 3 KA AGOSTO

XUMA XI NGA KA RITO LA XIKWEMBU

1. Lexi Nga Ku Pfunaka Swaku U Tiya Loko U Kumana Ni Swikarhatu

(10 min.)

Yengetela wutivi ni wutlharhi la wena hi ku djondza Bibele (Swiv 24:5; Perspicaz vol. 2 paj. 643 par. 2)

Tama u yendla swilo leswi nga ta tiyisa wunghanu la wena na Yehovha hambiloko u hele ntamu (Swiv 24:10; Murindzi-TS 15/12/09 paj. 18 mapar. 12-13)

Ku va ni wunghanu la ku tiya ni Xikwembu swi ta ku pfuna swaku u tama u tiya nkama lowu u kumanaka ni swikarhatu (Swiv 24:16; Murindzi 12/20 paj. 15)

Makwerhu wa xisati lweyi a nga ni mavabyi ya ku karhata na a tsakile nkama a chumayelaka hi munti ni munti ni munghanu wa yena. A komba n’winyi wa munti nchumu ka thableti la yena.

2. Lavetela Xuma Ka Rito La Xikwembu

(10 min.)

Swiv 24:27 — Ndzimana leyi ya Swivuriso yi hi djondzisa yini? (Murindzi-TS 15/10/09 paj. 12)

Nhlamulu
U djondze yini nkama na u lerha Bibele vhiki leli?

Nhlamulu

3. Ku Lerha Bibele

(4 min.) Swiv 24:1-20 (Tinyiketeli, djondzo 11)

HISEKELA NTIRHO WA KU CHUMAYELA

4. Ku Sungula Mabulu

(2 min.) KU CHUMAYELA SWA KOLA NA KOLA. Bula ni munhu kambe mabulu ya n’wina ma hela na u nga mu chumayelanga. (Rhandza Vanhu, djondzo 2 pontu 4)

5. Ku Sungula Mabulu

(3 min.) KU CHUMAYELA HI MUNTI NI MUNTI. (Rhandza Vanhu, djondzo 3 pontu 4)

6. Ku Sungula Mabulu

(3 min.) KU CHUMAYELA LANI KU NGA TALA VANHU. Mu byeli swaku a nga djondzeliwa Bibele, u gama u mu nyika cartão la ku mu rhamba swaku a djondza Bibele. (Rhandza Vanhu, djondzo 4 pontu 3)

7. Dixkursu

(3 min.) Rhandza Vanhu, xiyengetelo A pontu 11 — Nhlokomhaka: Xikwembu Xi Vulavula Na Hina Hi Ku Tirhisa Bibele. (Tinyiketeli, djondzo 6)

MAHANYELO YA HINA VAKRESTE

8. Pfuna Van’wani Loko Va Kumana Ni Swikarhatu

(15 min.) Dixkursu leli nga ni mabulu ni vayingiseli.

Ku nga na mhaka swaku hi tshama kwini, na hi nga swi nyimelanga ku nga ha humelela tinghozi ta ntumbuluku, ku va ni mavabyi yamakulu, ku sungula switereka, tinyimpi kumbe hi tshuka hi hluphiwa hileswi hi nga Vakreste. Loko swilo swa ku fana ni leswi swi yendleka, vamakwerhu va pfunana va tlhela va tiyisana. Kambe hambiloko hi nga kumani na swona swikarhatu leswi, ha va twela vamakwerhu lavo funtshi hi yendla hinkwaswu hi nga swi kotaka swaku hi yendla xan’wanchumu kuva hi va pfuna. — 1Ko 12:25, 26.

Mafoto: Vamakwerhu na va pfuna vamakwerhu van’wani hi tindlela ta tinyingi. 1. Vamakwerhu na va pfuxeta Yindlo ya Wugandzeli leyi nga hahluliwa hi nghozi ya ntumbuluku. 2. Vamakwerhu lava yamukelaka hi ku tsaka mamani ni n’wana lava nga baleka ka tiko la vona. 3. Makwerhu wa xisati na a peta male ka kaxa la minyikelo ka Yindlo ya Wugandzeli. 4. Vamakwerhu na va phakela vamakwerhu lava nga baleka ka tiko la vona swilo leswi nga ta va pfuna. 5. Vamakwerhu na va xixelela mati. 6. Makwerhu na a khongela.

Lerhani 1 Tihosi 13:6 ni Yakobe 5:16b, mi gama mi bula hi xivutiso lexi landzelaka:

Hi mhaka muni swikhongelo leswi vanhu lava tirhelaka Yehovha va swi yendlelaka van’wani swi ni matimba?

Nhlamulu

Lerhani Marka 12:42-44 ni 2 Vakorinto 8:1-4, mi gama mi bula hi xivutiso lexi landzelaka:

Swi nga yendleka hi nga na male ya yinyingi ya ku peta ka kaxa la minyikelo swaku hi pfuna vamakwerhu lava kumanaka ni swikarhatu. Hambileswo, hi mhaka muni hi fanele hi nyikela hi leswi hi nga na swona?

Nhlamulu

Sixtirani VHIDIYO leli nge: Ku Tiyisa Vamakwerhu Loko Ntirho Wa Hina Wu Tsimbisiwa, mi gama mi bula hi swivutiso leswi landzelaka:

I mpsini leswi vamakwerhu va nga swi yendla swaku va pfuna vamakwerhu va Europa Oriental nkama lowu ntirho wa hina a wu tsimbisiwa koseniyani?

Nhlamulu
Vamakwerhu va swi kotise ku yini ku tama va tlhangana leswaku va tiyisana hambileswi ntirho wa hina a wu tsimbisiwa? — Heb 10:24, 25

Nhlamulu